ԵՄ երիտասարդական խորհուրդը ռազմավարական վերահսկողություն և գործնական կոորդինացում է ապահովում ՝ երաշխավորելու, որ երիտասարդական աշխատանքը լինի թե՛ ներառական, թե՛ ազդեցիկ։ Պարբերական հանդիպումների և անմիջական շփումների միջոցով խորհրդի անդամները կիսվում են կյանքի իրական փորձով ու ուղղակի արձագանք հայտնում ԵՄ քաղաքականությունների և ծրագրերի վերաբերյալ։ Նախքան գործին անցնելը, խորհուրդը հստակեցրել է Հայաստանի երիտասարդների առջև ծառացած երեք հիմնական մարտահրավերները՝ իրենց հետագա միջնորդությունը ուղղորդելու համար։ 2025 թ-ի օգոստոսից ի վեր ԵԵԽ-ն մեկնարկել է մեկամյա հետազոտական առաքելություն Երևանում և մարզերում՝ համագործակցելով տեղական ինքնակառավարման մարմինների ու ՔՀԿ-ների հետ՝ տեղերում առկա ամենամեծ խնդիրները վերլուծելու համար։ Այս բացահայտումներն ամփոփվում են եռամսյակային զեկույցներում, որոնք էլ հիմք կհանդիսանան վերջնական խորը վերլուծության համար՝ նպատակ ունենալով ձևավորել ապագա օրենքներն ու նախաձեռնությունները։ Ակտիվորեն մասնակցելով ԵՄ միջոցառումներին և իրականացնելով ճանաչողական այցեր մարզեր՝ Խորհուրդն ապահովում է, որ երիտասարդների ձայնը միշտ լինի ԵՄ-Հայաստան գործընկերության կենտրոնում։