Թիմ Եվրոպա նախաձեռնության պատմությունը

«Դիմակայուն Սյունիք թիմ Եվրոպա նախաձեռնությունը» Եվրոպական միության, Եվրոպական ներդրումային բանկի, Վերակառուցման և զարգացման եվրոպական բանկի, ԵՄ անդամ երկրների՝ Ավստրիայի, Բելգիայի, Չեխիայի, Էստոնիայի, Ֆինլանդիայի, Ֆրանսիայի, Գերմանիայի, Լիտվայի, Նիդերլանդների, Լեհաստանի, Շվեդիայի, ինչպես նաև արտաքին գործընկեր հանդիսացող Շվեյցարիայի համատեղ նախաձեռնությունն է։  Այն նպաստում է մարզային և տեղական տարածքի կայուն և երկարաժամկետ զարգացմանը։ Նախաձեռնությունը ճկուն մեխանիզմ է. այն կարող է հետագայում ընդլայնվել և բաց է անդամ պետությունների համար՝ միանալու նոր նախաձեռնություններով, որոնք կխթանեն Սյունիքի մարզի զարգացումը, ինչը ԵՄ-ի համար առաջնահերթություն է։

Հայաստանում միջազգային մշակութային հարաբերություններին աջակցելու ԵՄ ռազմավարությունն ունի մի քանի հիմնական նպատակ՝ ուղղված կայուն զարգացման խթանմանը, միջմշակութային երկխոսության քաջալերմանը և մշակութային ժառանգության պաշտպանությանը:Ռազմավարությունը նաև նպատակաուղղված է մշակութային արժեքների ապօրինի շրջանառության դեմ պայքարին։ Խթանելով մշակութային փորձի փոխանակումը և ուղղակի աջակցություն ցուցաբերելով արվեստագետներին ու կազմակերպություններին՝ ԵՄ-ն շարունակում է խորացնել իր դիվանագիտական կապերը Հայաստանի հետ։ Այս համագործակցությունն այժմ զգալի վերելք է ապրում՝ շնորհիվ «Թիմ Եվրոպա» մոտեցման և «Ստեղծագործ Եվրոպա» ծրագրին Հայաստանի խորացող ինտեգրման։ Արդեն իսկ միանալով «Մշակույթ» բաղադրիչին և հիմնելով համապատասխան ազգային գրասենյակ՝ Հայաստանի սպասվելիք անդամակցությունը «Մեդիա» բաղադրիչին կդառնա հաջորդ վճռորոշ քայլը։ Այս ընդլայնումը կստեղծի համագործակցության նոր ու կենսական հնարավորություններ հայաստանյան ստեղծագործողների և կազմակերպությունների համար՝ իրենց եվրոպացի գործընկերների հետ առավել սերտ փոխգործակցության նպատակով։

Այս նախաձեռնություններն օգնում են սերտացնել կապերը ԵՄ-ի և Հայաստանի ժողովուրդների միջև։