Մեկնարկել է 2027 թ-ի Կին նորարարների եվրոպական մրցանակի համար հայտերի ընդունումը | Դիմել մինչև դեկտեմբերի 1-ը
2027 թվականի Կին նորարարների եվրոպական մրցանակը, որը համատեղ շնորհվում է Եվրոպական նորարարությունների եւ տեխնոլոգիաների ինստիտուտի (EIT) եւ Եվրոպական նորարարությունների խորհրդի (EIC) կողմից, կոչված է պատվի արժանացնելու Եվրոպայի տարբեր երկրներում հեղափոխական նորարարությունների եւ հաջողակ բիզնեսների հետեւում կանգնած կանանց։
Մրցանակի համար կարող են դիմել կանայք, որոնք օրինականորեն բնակվում են ԵՄ անդամ պետությունում կամ «Հորիզոն Եվրոպա» ծրագրին ասոցացված որեւէ երկրում, այդ թվում՝ Հայաստանում։ Դիմորդը պետք է լինի ԵՄ անդամ պետությունում կամ «Հորիզոն Եվրոպա»-ին ասոցացված երկրում հիմնադրված ընկերության կամ կազմակերպության հիմնադիրը կամ համահիմնադիրը։
2027 թվականին մրցանակը կշնորհվի երեք անվանակարգերում՝
- Կին նորարարներ. կին հիմնադիրների եւ համահիմնադիրների համար։ Մրցանակներ՝ 100,000 եվրո, 70,000 եվրո եւ 50,000 եվրո։
- Ծագող նորարարներ. 35 տարեկանից փոքր խոստումնալից կին նորարարների համար։ Մրցանակներ՝ 50,000 եվրո, 30,000 եվրո եւ 20,000 եվրո։
- EIT կանանց առաջնորդություն. EIT համայնքի բացառիկ անդամների համար, որոնց նորարարություններն ու առաջնորդությունը մեծ ազդեցություն են թողնում։ Մրցանակներ՝ 50,000 եվրո, 30,000 եվրո եւ 20,000 եվրո։
Դիմումների ընդունման վերջնաժամկետը 2026 թվականի դեկտեմբերի 1-ն է։
Մրցանակաբաշխության արարողությունը նախատեսված է 2027 թվականի երկրորդ եռամսյակում։
Իմացիր ավելին
Մեկնարկել է 2027 թվականի Կին նորարարների եվրոպական մրցանակի համար հայտերի ընդունումը նյութն առաջինը հրապարակվել է EU NEIGHBOURS east կայքում։
Նորություններ
Հայկական ծաղիկների միջազգային դեբյուտը Նիդեռլանդներում անցկացվող IFTF 2026-ում
Բացահայտե՛ք նոր մշակույթներ համեղ և կայուն սնվելու միջոցով
International Day to End Impunity for Crimes against Journalists: EU calls on all states to protect journalists and investigate crimes against them
For Armenian producers looking to sell to new markets, the EU is a big opportunity. So what does it take to export Armenian products to the EU market of 450 million consumers?
