Թվային հմտությունների վերաբերյալ նոր հիբրիդային դասընթաց Արևելյան գործընկերության ՔՀԿ-ների համար. Դիմել մինչև մայիսի 25-ը
Եվրոպական միության կողմից ֆինանսավորվող Արևելյան գործընկերության քաղաքացիական հասարակության հիմնադրամը մեկնարկում է նոր հիբրիդային դասընթաց՝ Արևելյան գործընկերության (Հայաստան, Ադրբեջան, Բելառուս, Վրաստան, Մոլդովա և Ուկրաինա) քաղաքացիական հասարակության կազմակերպությունների թվային կարողությունների հզորացմանն աջակցելու համար։
Դասընթացը ներառում է առցանց դիագնոստիկ հանդիպումներ, առկա սեմինարներ և գործնական անհատական ուսուցում: Մասնակից ՔՀԿ-ները կկարողանան կենտրոնանալ իրենց առաջնահերթ կարիքների վրա՝ անկախ նրանից, թե դա ինչ է ենթադրում՝ տվյալներին հասանելիության և օգտագործման եղանակների բարելավում, հաղորդակցության և իրազեկման համար թվային գործիքների ավելի արդյունավետ օգտագործում, թե իրենց կիբերանվտանգության ամրապնդում:
Դասընթացի ծրագիրը մշակվել է ԵՄ թվային կոմպետենցիաների շրջանակի շուրջ։ Մասնակիցները կանցնեն դիագնոստիկ գործընթացով՝ բացահայտելու իրենց կազմակերպության համար առավել համապատասխան ոլորտները:
Դասընթացը նախատեսված է ՔՀԿ-ների ղեկավարների, անձնակազմի անդամների եւ կամավորների համար, ովքեր անմիջականորեն ազդում են իրենց կազմակերպության տվյալների և տեխնոլոգիաների հետ աշխատանքի վրա և ովքեր իրենց կբնութագրեին որպես սկսնակից մինչև միջին մակարդակի մասնագետներ։
Մասնակիցները պետք է երկարաժամկետ դեր զբաղեցնեն իրենց ՔՀԿ-ում, պատրաստ լինեն մասնակցել գործընկերների հետ շարունակական ուսուցմանը և աջակցությանը, և ունենան անգլերենի աշխատանքային իմացություն:
Դասընթացի մեկնարկը նախատեսված է 2026 թվականի հունիսի 17-ին, իսկ ավարտը՝ 2026 թվականի սեպտեմբերի վերջին։
Դիմելու համար անհրաժեշտ է մինչեւ մայիսի 25-ը կազմակերպության անունից լրացնել առցանց դիմումի ձևը։
Դասընթացը մշակվել և անցկացվում է Եվրոպական միության կողմից ֆինանսավորվող և GDSI-ի գլխավորած կոնսորցիումի կողմից իրականացվող «Արևելյան գործընկերության քաղաքացիական հասարակության հիմնադրամ» ծրագրի կողմից։ Դրա բովանդակության համար պատասխանատու են միայն հեղինակները/ուսուցանողները և պարտադիր չէ, որ այն արտացոլի Եվրոպական միության տեսակետները։
Իմացիր ավելին
ՎԵՐՋՆԱԺԱՄԿԵՏ՝
25 Մայիսի, 2026
Նորություններ
European Commission launches EU Innovation Platform
EBRD and EU step up support for digital and green investments
European Commission presents 21st sanctions package against Russia
Kallas: ‘Western sanctions have already cost Moscow an estimated $1.2 to $1.5 trillion’
