QA4VET ծրագիրը ներկայացնում է Հայաստանում ՄԿՈւ ոլորտում որակի ապահովման ամրապնդման ուղղությամբ գրանցված առաջընթացը
Հուլիսի 13-ին Երևանում կայացած «Էրազմուս+» QA4VET ծրագրի իրազերկման միջոցառումը համախմբեց ոլորտի հիմնական շահառուներին՝ ներկայացնելու դրա հիմնական ձեռքբերումներն ու քննարկելու Հայաստանի մասնագիտական կրթության և ուսուցման (ՄԿՈւ) համակարգում որակի ապահովման ամրապնդման գործում ներդրումը։
Միջոցառման ընթացքում ներկայացվեցին ծրագրի շրջանակում մշակված «Փորձնական հավատարմագրման ձեռնարկի» փորձարկման արդյունքները։ Ուղեցույցը ստեղծվել է աջակցելու ՄԿՈւ հաստատություններում որակի ապահովման գործընթացներին։ ՄԿՈւ հաստատությունների, որակի ապահովման մարմինների և պետական կառույցների ներկայացուցիչները քննարկեցին փորձարկման արդյունքները, փոխանակվեցին փորձով և ամփոփեցին գործընթացի ընթացքում ձեռք բերված դասերը։
Քննարկումների ընթացքում մասնակիցները կենտրոնացան փորձարկման փուլում ի հայտ եկած մեթոդաբանական և ինստիտուցիոնալ մարտահրավերների բացահայտման վրա, ինչպես նաև ներկայացրին առաջարկություններ՝ ուղեցույցի վերջնական տարբերակի կատարելագործման նպատակով։ «Միջոցառման ընթացքում ստացված առաջարկություններն ու մեկնաբանությունները հաշվի կառնվեն ուղեցույցի վերջնականացման և պաշտոնական ընդունման նախապատրաստման ընթացքում», նշված է ծրագրի Ֆեյսբուքյան էջում։
«Էրազմուս+» QA4VET ծրագիրը նպատակ ունի բարձրացնել Հայաստանում մասնագիտական կրթության և ուսուցման որակը՝ մշակելով և ներդնելով փորձնական հավատարմագրման ընթացակարգեր և գործիքներ։ Նախագիծը միտված է բարելավելու ՄԿՈւ հաստատություններում որակի ապահովման գործելակերպը, խթանելու որակի շարունակական բարելավման մշակույթը և նպաստելու Հայաստանի ՄԿՈւ համակարգի երկարաժամկետ զարգացմանը։
Իմանալ ավելին
