ԿԿԿ Դաշինք ծրագրի ընդհանուր նպատակն է՝ նպաստել Հայաստանի Վանաձոր և Գյումրի քաղաքների կայուն քաղաքային կառավարմանը։

Ծրագիրը լուծում է հետևալ խնդիրները․
1․Վանաձորի և Գյումրու քաղաքապետարանները նախագծում և իրականացնում են քաղաքաշինությանը, աղբի վերամշակմանը, հասարակական տրանսպորտին ուղղված քաղաքականություն, այն համապատասխանեցնելով տեղական և ԵՄ չափանիշներին։
2․ Հասարակական տրանսպորտից և աղբահանության ծառայություններից օգտվողները ստանում են անվտանգ, ներառական և շրջակա միջավայրի համար անվնաս ծառայություններ։
3․ Վանաձորի և Գյումրու բնակիչները իրազեկ և քաջատեղյակ են պլաստիկի թափոնների և փոխադրամիջոցի վառելիքի՝ մարդու առողջության և շրջակա միջավայրի վրա անբարենպաստ ազդեցության մասին։
4․ Վանաձորի, Գյումրու և Պիլայի համայնքապետարանների աշխատակիցներն ավելի բանիմաց և հմուտ են քաղաքի կառավարման և ծառայությունների մատուցման ոլորտում։
5․ Ծրագիրն ունի կառավարման, մշտադիտարկման, հաշվետվողականության, հաշվետվությունների և հաղորդակցման հստակ մեխանիզմներ՝ ծրագրի պատշաճ իրականացումն ու բարձր տեսանելիությունն ապահովելու համար։
 

• Վանաձորի և Գյումրու համայնքապետարաններն ունեն քաղաքականություն և ընթացակարգեր, որոնք նպաստում են կայուն և նորարարական քաղաքաշինությանը, թափոնների վերամշակմանը և «կանաչ» հասարակական տրանսպորտին
• Համայնքապետարանները ներդրել են թափոնների կառավարման բարելավված համակարգեր
• Համայնքներում գործում է էկոլոգիապես մաքուր հանրային տրանսպորտ՝ տոմսերի էլեկտրոնային վավերացման համակարգով
• Համայնքներում գործում են պլաստիկի վերամշակման հոսքագծեր, որոնք արտադրում են շինարարական նյութեր՝ հանրային տարածքների բարելավման համար
• Համայնքների բնակիչները իրազեկված են պլաստիկ թափոնների և ածխածնի արտանետումների՝ մարդու առողջության և շրջակա միջավայրի վրա բացասական ազդեցության մասին
• Համայնքապետարանները ձևավորել են քաղաքաշինության պլանավորման, աղբի վերամշակման և հանրային տրանսպորտի ոլորտներում նոր գործիքների կառավարման տեխնիկական հմտություններ։