EU4Culture. Շարժունության ծրագրի բաց կանչ արվեստագետների և մշակույթի ոլորտի մասնագետների համար
ԵՄ–ի կողմից ֆինանսավորվող EU4Culture նախագիծը հայտարարում է շարժունության դրամաշնորհների իր առաջին կանչը՝ Հայաստանի, Ադրբեջանի, Վրաստանի, Մոլդովայի Հանրապետության և Ուկրաինայի արվեստագետներին և մշակույթի ոլորտի մասնագետներին աջակցելու համար:
Առաջին կանչը մեկնարկում է 2022 թվականի հունվարի 31-ին և բաց է պրակտիկայի, ճանաչողական այցերին, կոնֆերանսներին, մասնագիտական զարգացմանն ու գիտելիքի փոխանակմանը, ինչպես նաև միջմշակութային երկխոսությունը խթանող այլ միջոցառումներին մասնակցելու համար:
Կանչը կաջակցի շարժունության 3 տեսակների.
- Կարճաժամկետ (7-10 օրացուցային օր) – մինչև €1,500
- Միջնաժամկետ (մինչև 5 շաբաթ) – մինչև €3,500
- Երկարաժամկետ (մինչև 12 շաբաթ) – մինչև €5,000
Շարժունության նախագծերը կարող են իրականացվել 2022 թվականի հունիսից մինչև 2023 թվականի հունիսը Եվրամիության անդամ երկրներում, ԵՄ գործընկեր երկրներում և եվրոպական այլ երկրներում:
Ո՞վ կարող է դիմել
18 տարեկանից բարձր տարիքի մշակույթի բոլոր ոլորտների արվեստագետներ կամ մշակութային մասնագետներ, ովքեր քաղաքացիներ են և ունեն օրինական բնակության կարգավիճակ Հայաստանում, Ադրբեջանում, Վրաստանում, Մոլդովայի Հանրապետությունում կամ Ուկրաինայում, կամ ԱլԳ երկրների օրինական բնակիչներ են:
Ինչպե՞ս դիմել
Դիմորդները պետք է պատրաստեն միջազգային շարժունության գործողությունների պլան և բյուջե՝ օգտագործելով առցանց հայտի ձևը և այն ներկայացնեն Գյոթե Դիմումի Պորտալի՝ Goethe Application Portal (GAP) միջոցով:
Բաց կանչի վերջնաժամկետը 2022 թվականի ապրիլի 8, ժամը 18:00 -ն է (տեղական ժամանակ):
Շարժունության դրամաշնորհային ծրագրի նպատակն է՝ ամրապնդել ԱլԳ գործընկեր երկրներում արվեստագետների և մշակութային մասնագետների միջմշակութային երկխոսությունը և գիտելիքների փոխանակումը, աջակցել նրանց մասնագիտական շարժունությանը և կապեր ստեղծել նրանց միջև՝ աջակցելով միջազգային համագործակցությանը: Ընդհանուր առմամբ, EU4Culture-ը 2022-2024 թվականների ընթացքում կհայտարարի շարժունության դրամաշնորհների վեց մրցույթ և կտրամադրի մինչև 250 անհատական դրամաշնորհ:
ԵՄ-ի կողմից ֆինանսավորվող EU4Culture նախագիծն իրականացվում է Գյոթե ինստիտուտի (առաջատար), Չեխական կենտրոնների, Դանիական մշակութային ինստիտուտի, Վրաստանի ֆրանսիական ինստիտուտի կողմից:
Հարցերի դեպքում դիմել EU4Culture ծրագրի հայաստանյան ազգային կոորդինատոր
Մարինե Կարոյանին՝ Marine.Karoyan.extern@goethe.de
Նորություններ
Culture Moves Europe: 150 residency projects selected, including in Armenia, Georgia, and Moldova
Armenia: EBRD appoints Remon Zakaria head of Yerevan office
EU4Energy Phase III brings together European and Eastern Partnership energy experts in Brussels
EU Green Week event showcases innovative wastewater solutions for EU’s Eastern Partnership countries
