CPMA-ն փնտրում է փորձագետ և ծրագրի օգնական

29/04/2023

Լիտվայում տեղակայված «Նախագծերի կառավարման կենտրոնական գործակալությունը» (CPMA) փնտրում է փորձառու հայ թեկնածուներ, ՀՀ իրավապահ համակարգի աջակցությանն ուղղված ծրագրի շրջանակներում որպես տեղացի փորձագետ, ինչպես նաև որպես ծրագրի օգնական՝ երկարաժամկետ ծառայությունների մատուցման նպատակով։

Այս ծրագիրը նպատակ ունի աջակցել ՀՀ իրավապահ համակարգի և անվտանգության ոլորտի բարեփոխումներին՝ Համապարփակ և ընդլայնված գործընկերության համաձայնագրի շրջանակում՝ ԵՄ լավագույն փորձին համահունչ:

Ծրագրերի տևողությունը երկու տարի է․ սկիզբը՝ 2023 թվականի մայիսի 1-ից։ Ծառայությունների մատուցման պայմանագրերի բյուջեները յուրաքանչյուր ամսվա համար կազմում են՝ համապատասխանաբար մինչև 2000 եվրո և 1500 եվրո:

Լավագույն թեկնածուն պետք է խորապես տիրապետի ՀՀ իրավապահ մարմինների գործունեությանը, իրավական ակտերին և ունենա անհրաժեշտ ոլորտին համապատասխանող գիտելիքներ:

Դիմումների ընդունման վերջնաժամկետն է 2023 թվականի ապրիլի 30-ը:

Դիմումներն ընդունվում են հետևյալ հղումներով՝

Փորձագետ – https://europa.eu/!yrmVQk

Ծրագրի օգնական՝ https://europa.eu/!kXTXxM