ԵՄ-ի կողմնորոշիչ հանդիպումը «Էրազմուս Մունդուսի» հայաստանյան կրթաթոշակառուների հետ
Անցյալ շաբաթ Հայաստանում Եվրոպական միության պատվիրակությունը, «Էրազմուս+» ազգային գրասենյակի և ԵՄ անդամ պետությունների դեսպանությունների հետ համատեղ, հավաքել էր այս տարի ընտրված հայաստանյան «Էրազմուս Մունդուս»-ի ուսանողներին՝ նախամեկնումային կողմնորոշիչ հանդիպման:
Հանդիպումը տրամադրեց գործնական ուղեցույցներ, կապերի հաստատման հնարավորություններ և քաջալերանքի խոսքեր, քանի որ կրթաթոշակառուները պատրաստվում են մեկնարկել իրենց Համատեղ մագիստրոսական ծրագրերը Եվրոպայում:
Հայաստանում ԵՄ պատվիրակության համագործակցության բաժնի ղեկավար Ֆրանկ Հեսսը շնորհավորեց հաղթողներին և հորդորեց առավելագույնս օգտագործել այս փոխակերպող ակադեմիական ճանապարհորդությունը: Իր ելույթում նա ընդգծեց ծրագրի առավել լայն արժեքը.
«Ակադեմիական հաջողությունից զատ, սա հնարավորություն է զարգացնելու միջմշակութային կարևոր իրազեկվածություն, ընդլայնելու միջազգային կապերն ու ցանցերը, ամրապնդելու առաջնորդության կարողությունները և ստացած գիտելիքն ու փորձը ներդնել Հայաստանի ապագայի զարգացման գործում։ Մենք խրախուսում ենք մեր կրթաթոշակառուներին վերադարձնել այս հարուստ փորձառությունը՝ ակտիվորեն ձևավորելու և իրենց ներդրումն ունենալու Հայաստանի ապագայում»:
Միջոցառումն ընդգծեց ԵՄ շարունակական հանձնառությունը՝ աջակցելու Հայաստանում բարձրագույն կրթությանը, երիտասարդների շարժունակությանը և մարդկային կապիտալի զարգացմանը:
Իմանալ ավելին
