Երիտասարդ շրջանավարտների համար պրակտիկայի հնարավորություն Հայաստանում ԵՄ պատվիրակությունում | Դիմել մինչև հուլիսի 31-ը
Հայաստանում Եվրոպական միության պատվիրակությունը փնտրում է միջազգային հարաբերություններով հետաքրքրված երիտասարդ շրջանավարտների, ովքեր ցանկանում են ավելին իմանալ դիվանագիտական առաքելության աշխատանքի եւ այն մասին, թե ինչպես է ԵՄ պատվիրակությունը ներկայացնում ԵՄ շահերն ու արժեքները Հայաստանում։
2026 թվականին վեցամսյա պրակտիկաներ են առաջարկվում Քաղաքականության, մամուլի եւ տեղեկատվության բաժնում եւ Պատվիրակության ղեկավարի աշխատակազմում: Պրակտիկայի մեկնարկի մոտավոր ամսաթիվը 2026 թվականի հոկտեմբերի 1-ն է:
Թեկնածուները պետք է լինեն Հայաստանի, ԵՄ անդամ պետությունների կամ ԵՄ-ի հետ ասոցացման համաձայնագիր ստորագրած երկրների քաղաքացիներ:
Հայտարարությունը բաց է երիտասարդ շրջանավարտների համար, որոնք ունեն առնվազն բակալավրի (կամ համարժեք) կամ մագիստրոսի (կամ համարժեք) աստիճան միջազգային հարաբերություններին առնչվող ոլորտում։ Քաղաքագիտության իմացությունը կդիտարկվի որպես առավելություն:
Թեկնածուները պետք է ունենան մեկ տարվա մասնագիտական փորձ ավարտելուց հետո, բայց չպետք է ունենան ԵՄ հաստատություններում վեց շաբաթից ավելի աշխատանքային փորձ։
Դիմորդները պետք է նաեւ ունենան գերազանց տիրապետեն անգլերեն եւ հայերեն լեզուներին (գրավոր եւ բանավոր)։ ԵՄ այլ լեզուների եւ ռուսերենի լավ իմացությունը կդիտարկվի որպես մեծ առավելություն։
Դիմումների ընդունման վերջնաժամկետը հուլիսի 31-ն է։
Իմացիր ավելին
Երիտասարդ շրջանավարտների համար պրակտիկայի հնարավորություն Հայաստանում ԵՄ պատվիրակությունում նյութն առաջինը հրապարակվել է EU NEIGHBOURS east կայքում։
Նորություններ
Putting reform into practice: EU4Energy brings European regulatory expertise to Armenia
EU4Business. Արևելյան գործընկերության երկրների ՓՄՁ-ները 2025-ին ԵՄ աջակցությամբ ստեղծել են լրացուցիչ 938.9 միլիոն եվրո եկամուտ և 89,388 նոր աշխատատեղ
Մեկ քայլով ավելի մոտ Եվրոպական միություն առանց վիզայի ճանապարհորդությանը. Մարթա Կոս
Կարծրատիպերի հաղթահարում և բռնության կանխարգելում․ մեկնարկել է ծրագրի 3-րդ փուլը
