Հիմնադրամը նպատակ ունի խթանել տնտեսական զարգացումն ու բարգավաճումը՝ տեղական որակավորված ֆինանսական հաստատությունների միջոցով զարգացման լրացուցիչ ֆինանսներ ապահովելով հատկապես միկրո և փոքր ձեռնարկությունների (ՄՓՁ), ինչպես նաև մասնավոր տնային տնտեսությունների համար:

ՀԵԵՀ-ի նպատակն է զարգացնել տեղական ֆինանսական շուկաները` հետևելով կայուն և շուկայական սկզբունքներին, սահմանել վարկավորման չափանիշներ, նվազեցնել միջնաժամկետ և երկարաժամկետ ֆինանսավորման պակասը և ներդնել պատասխանատու ֆինանսավորման կանոններ: Արևելյան գործընկերության երկրներում Հիմնադրամը ֆինանսավորել է վերջնական վարկառուների համար միջինում մոտ 10 000 եվրոյի չափով ենթավարկեր։ Ակնկալվում է, որ սա շարունակական կլինի: Նախատեսվում է, որ Հիմնադրամը ֆինանսական աջակցություն կցուցաբերի հավելյալ 74,000 ՓՄՁ–ների կամ մասնավոր տնային տնտեսությունների` մինչև 2037 թվականը իր ստեղծումից ի վեր սեփական շահառուների թիվն Արևելյան գործընկերության երկրներում հասցնելով շուրջ 250 հազարի: Հիմնադրամը նախատեսում է լրացուցիչ 1 միլիարդ եվրո ընդհանուր գումարի ենթավարկեր հատկացնել Արևելյան գործընկերության երկրների ՓՄՁ-ներին կամ մասնավոր տնային տնտեսություններին: Թվային արտահայտմամբ ակնհայտորեն գերակշռող կլինի միկրո վարկերի տեսակարար կշիռը:

Գործողության հիմնական նպատակն է հնարավորություն ընձեռել ՀԵԵՀ-ին տեղական արժույթով միջնաժամկետ վարկերի մատչելիություն ապահովել թերսպասարկվող ՓՄՁ–ների և ցածր եկամուտ ունեցող տնային տնտեսությունների համար` առանց վերջիններիս արտարժութային ռիսկի ենթարկելու:

Բացի այդ, Գործողությունն ունի նաև հետևյալ հատուկ նպատակները.
• Ֆինանսների հասանելիության և աշխատատեղերի կայունության/ստեղծման բարելավում․
• Հանրային և մասնավոր կապիտալի ներգրավում (կատալիզացնող ազդեցություն) ․
• Տեղական ֆինանսական շուկայի ներառականության ամրապնդում:

Գործողության վերջնական նպատակն է խթանել աշխատատեղերի կայունությունը/ստեղծումը: Ինքնազբաղվածությունը խթանելով՝ նպատակ կա նվազեցնել աղքատությունը տարածաշրջանում:

Գործողությունն ուղղված կլինի Արևելյան գործընկերության երկրների բիզնեսների համար հիմնական խոցելի ուղղություների վերացմանը՝ հետևյալ կերպ․
- Տեղական արժույթով միջնաժամկետ վարկերի հասանելիության ապահովում թերսպասարկվող ՓՄՁ–ների և ցածր եկամուտ ունեցող տնային տնտեսությունների համար` առանց վերջիններիս արտարժութային ռիսկի ենթարկելու․
- Ֆինանսների հասանելիության և աշխատատեղերի կայունության/ստեղծման բարելավում․
- Տեղական բանկերի կողմից ՄՓՄՁ-ներին և ցածր եկամուտ ունեցող տնային տնտեսություններին վարկավորման ծավալների ավելացում՝ դրանով իսկ մշտապես բարելավելով նրանց հասանելիությունը ֆինանսներին
- Հանրային և մասնավոր կապիտալի ներգրավում (կատալիզացնող ազդեցություն)․
- Տեղական ֆինանսական շուկայի ներառականության ամրապնդում: