EU4ClimateResilience - բազմադոնոր գործողություն է, որն աջակցում է Արևելյան գործընկերության երկրների (Հայաստան, Ադրբեջան, Վրաստան, Մոլդովա և Ուկրաինա) կանաչ անցմանը, նպաստում դեկարբոնիզացման, էներգետիկ անվտանգության և կլիմայի փոփոխության հանդեպ դիմակայունության բարձրացման միջոցառումներին:

Այն օգնում է բարելավել կլիմայի փոփոխության և հարմարվողականության քաղաքականությունները, հասնել Փարիզյան համաձայնագրի ներքո մեղման նպատակներին և ԵՄ-ի հետ երկկողմ համաձայնություններին՝ ներառյան Ազգային սահմանված գործողությունների (ԱՍԳ) 2025 թարմացմանը, օրենսդրական շրջանակի բարելավմանը, և ԱՍԳ-ների թարմացմանը, Չափումների, հաշվետվայնության և հավաստագրման (ՉՀՀ) համակարգի ինստիտուցիոնալ կարողությունների բարելավմանը, և կլիմայի փոփոխության՝ ոլորտային քաղաքականության մեջ ներառմանը:

Ծրագիրը նաև աջակցում է հարմարվողակալության տեղական նախագծերին, ամրացնում է է քաղաքների և համայնքների դիմակայունությունը: Կայուն ներդրումներ մոբիլիզացնելու նպատակով ծրագիրն աջակցում է կանաչ պարտատոմսերի թողարկմանը: Ուկրաինայում ծրագիրն արձագանքում է Ռուսաստանի ագրեսիվ պատերազմի հետևանքով առաջացած վերակառուցման կարիքներին:

Ծրագիրը համատեղ ֆինանսավորվում է Եվրամիության և Գերմանիայի Դաշնային Հանրապետության շրջակա միջավայրի, բնության պահպանության, ատոմային անվտանգության և սպառողների պաշտպանության նախարարության (BMUV) կողմից: Ծրագիրն իրականացվում է Գերմանական միջազգային համագործակցության ընկերության (ԳՄՀԸ/GIZ) և Տնտեսական համագործակցության և զարգացման կազմակերպության (OECD) կողմից: Այս գործողությունը և BMUV-ի կողմից ֆինանսավորվող «Արևելյան գործընկերության երկրներում «Կանաչ գործարքի» պատրաստվածության խթանումը (ProGRess)» ծրագիրը փոխլրացնող են և աջակցում են ԱլԳ երկրներին՝ ԵՄ «Կանաչ գործարքի» համատեքստում:

EU4Climate Resilience ծրագիրն Արևելյան գործընկերության երկրներում աջակցում է կանաչ անցմանը, դեկարբոնիզացմանը, էներգետիկ անվտանգությանը և կլիմայի դիմակայունությանը:

1. Բարձրացնել երկրների կարողությունները. իրատեսական չափագրել և նվազեցնել ազգային արտանետումները և հարմարվել կլիմայի փոփոխության աճող ազդեցությանը, զարգացնել կլիմայի քաղաքականության իրականացման շրջանակը:
2. Ցուցադրել կլիմայի հարմարվողականության օգուտները հատուկ ծրագրերի միջոցով:
3. Հիմնել ԵՄ նորմերին համապատասխան կանաչ ֆինանսավորման հուսալի կարգավորվող շրջանակներ, պարտատոմսերի թողարկման դիվերսիկացում և ընդլայնում.

1. Կլիմայի փոփոխության մեղման քաղաքականության շրջանակների և ռազմավարությունների թարմացում, և իրականացման առաջընթաց:
2. ՉՀՀ համակարգի բարելավում:
3. մինչև 10 ցուցադրական նախագծերի իրականացում, ներառյալ կենսաբազմազանությունը և առողջ էկոհամակարգերը՝ կլիմայի հարմարվողականության օգուտների ցուցադրմամբ:
4. Ազգային օրենսդրական շրջանակի ուժեղացում՝ կանաչ ֆինանսավորման և մինչև 3 կանաչ պարտատոմսերի թողարկման համար:
5. Ուկրաինայում հետպատերազմյան կանաչ-վերակառուցման աջակցության տրամադրում՝ կանաչ և թվային օրակարգին համահունչ.