Ծրագիրը նպատակ ունի ուժեղացնել քաղաքացիական հասարակության կազմակերպությունների (ՔՀԿ) դերը ժողովրդավարական կառավարման և բարեփոխումների գործընթացներում Արևելյան գործընկերության վեց երկրներում։
Այս նպատակին հասնելու համար ծրագիրը ներառում է մի շարք միջոցառումներ, որոնք ուղղված են ՔՀԿ-ների կազմակերպական կարողությունների զարգացմանը և ռիսկերի կառավարման հմտությունների ամրապնդմանը, ինչպես նաև տրամադրում են ուղղակի ֆինանսական աջակցություն՝ դիմակայունության, համագործակցության և ճանապարհածախսի դրամաշնորհների տեսքով։ Այս աջակցությունը ՔՀԿ-ներին հնարավորություն է տալիս ձեռք բերել անհրաժեշտ հմտություններ, կազմակերպական և ֆինանսական ռեսուրսներ, ինչպես նաև զարգացնել տարածաշրջանային կապեր՝ որպես կայուն և արդյունավետ ժողովրդավարական դերակատարներ գործելու համար։
Ծրագիրն իրականացվում է Ադրբեջանում, Հայաստանում, Բելառուսում, Վրաստանում, Մոլդովայում և Ուկրաինայում։ Նախատեսվում է, որ այն ուղղակիորեն կաջակցի շուրջ 500 քաղաքացիական հասարակության կազմակերպությունների և նրանց աշխատակիցներին։ Աջակցության հիմնական մասը կտրամադրվի երրորդ կողմերին ֆինանսական աջակցություն տրամադրելու միջոցով, որը կազմում է ծրագրի ընդհանուր բյուջեի մոտ 68.5 տոկոսը։

Արևելյան գործընկերության երկրներում քաղաքացիական հասարակության կազմակերպությունները (ՔՀԿ) ունեն բավարար կարողություններ՝ դիմակայելու ներքին և տարածաշրջանային փոփոխություններին և ակտիվորեն մասնակցելու իրենց երկրներում ժողովրդավարացման, բարեփոխումների և վերականգնման գործընթացներին։

1. Արևելյան գործընկերության երկրներում ՔՀԿ-ները ունեն բավարար կազմակերպական կարողություններ՝ նպաստելու ժողովրդավարական զարգացմանն ու արդյունավետ կառավարմանը։
2. ՔՀԿ-ները ունեն ֆինանսական ռեսուրսներ, որոնք թույլ են տալիս ամրապնդել իրենց կայունությունն ու դիմակայունությունը, ինչպես նաև ընդլայնել համագործակցությունը տեղական համայնքների և քաղաքացիների հետ։
3. ՔՀԿ-ները ընդլայնել են տարածաշրջանային համագործակցությունն ու կապերը, միասին առաջ մղելով ժողովրդավարական կառավարումը և եվրոպական արժեքները։

1. Բարելավել տարածաշրջանում քաղաքացիական հասարակության կազմակերպությունների ֆինանսական և ռեսուրսային հիմքը։
2. Քաղաքացիական հասարակության կարևոր խմբերին տրամադրել նպատակային կարողությունների զարգացում, որպեսզի նրանք կարողանան ուժեղացնել իրենց հասանելիությունը, ազդեցությունը, տեսանելիությունը, հաշվետվողականությունն ու կառավարման կարողությունները։
3. Աջակցել քաղաքացիական հասարակությանը ավելի սերտ կապ հաստատելու քաղաքացիների, համայնքների և շահառու խմբերի հետ, ինչպես նաև կապ ստեղծելու կառավարման տարբեր մակարդակների հետ։
4. Խթանել տարածաշրջանային և միջազգային համագործակցությունն ու փորձի փոխանակումը քաղաքացիական հասարակության հարթակների և ցանցերի միջոցով։