«Մեդիայի որակի և դիմակայունության նախաձեռնություն» ծրագիրը նպաստում է լրատվամիջոցների հզորացմանը՝ խթանելով նրանց անկախությունն ու կայունությունը, աջակցելով պատասխանատու ու հանրային նշանակություն ունեցող բովանդակության պատրաստմանը և մեդիա միջավայրի բարեփոխումների գործընթացում լրատվամիջոցների, իշխանությունների ու քաղաքացիական հասարակության մասնակցությունը։

Մեդիա նախաձեռնությունների կենտրոնի գլխավորած կոնսորցիումի կազմում են Երևանի մամուլի ակումբը, Մեդիա բազմազանության ինստիտուտը և Միջազգային մեդիա աջակցություն կազմակերպությունը (Դանիա)։

Աշխատանքներ են տարվում մեծացնելու լսարանի վստահությունը՝ զարգացնելով էթիկական սկզբունքների, թափանցիկության և հաշվետվողականության վրա հիմնված ինքնակարգավորման մեխանիզմներ։ Խնդիր է դրված խթանել մեդիագրագիտությունը, որպեսզի բովանդակություն սպառողներն առավել հմուտ կողմնորոշվեն լրատվական դաշտում։

Ծրագիրը լրագրողներին և լրատվամիջոցներին առաջարկում է վերապատրաստումներ ու խորհրդատվություն, ինչպես նաև դրամաշնորհներ։ Աջակցություն է տրամադրվում անվտանգ գործունեության համար՝ ապահովելու լրագրողների ֆիզիկական պատրաստվածությունը և նրանց կողմից օգտագործվող առցանց հարթակների անխափան աշխատանքը։

Ծրագրի ընդհանուր նպատակն է հզորացնել Հայաստանի քաղաքացիական հասարակության կազմակերպությունների՝ որպես վստահելի, անկախ և արդյունավետ դերակատարների կարողությունները և դիմակայունությունը։

Հատուկ նպատակներն են՝
1. Հզորացնել մեդիա կազմակերպություններին, որպեսզի նրանք կարողանան կառավարել և գործել որպես պրոֆեսիոնալ, անկախ ու կայուն դերակատարներ։
2. Աջակցել մեդիա կազմակերպություններին, որպեսզի նրանք ստեղծեն ընթերցողի համար ուշագրավ, վերլուծական, պատասխանատու և վստահելի բովանդակություն։
3. Ապահովել քաղաքացիական հասարակության, լրատվամիջոցների և պետական կառույցների մասնակցությունը մեդիա դաշտում տեղի ունեցող գործընթացներին և բարեփոխումներին։

1. Մեդիա կազմակերպությունները կարող են գործել որպես պրոֆեսիոնալ, անկախ և կայուն բիզնես կառույցներ։
2. Մեդիա կազմակերպությունները և դերակատարները ստեղծում են ընթերցողի համար առավել ուշագրավ, վերլուծական, պատասխանատու և վստահելի բովանդակություն։
3. Քաղաքացիական հասարակությունը, լրատվամիջոցները և պետական կառույցները համատեղ մասնակցում են մեդիա դաշտի բարեփոխումներին։