EU4Business նախաձեռնությունը նպաստում է Արևելյան գործընկերության երկրներում Տնտեսական և ներդրումային ծրագրի իրականացմանը և այդպիսով աջակցում է տարածաշրջանում կայուն ու ներառական տնտեսական աճին։
Ծրագիրը ապահովում է մասնավոր հատվածի զարգացմանն ուղղված ԵՄ բոլոր նախագծերի կանոնավոր և համապարփակ մշտադիտարկումը Արևելյան գործընկերության տարածաշրջանում, գնահատում է EU4Business-ի տարածաշրջանային և երկկողմ նախագծերի ազդեցությունն ու արդյունքները, ինչպես նաև բարձրացնում է ԵՄ աջակցության տեսանելիությունն ու հասանելիությունը։

Ընդհանուր նպատակ

Աջակցել Արևելյան գործընկերության երկրներում կայուն և ներառական տնտեսական աճին, որը կնպաստի ներդրումների ավելացմանը, սոցիալ-տնտեսական պայմանների բարելավմանը և քաղաքացիների համար աշխատատեղերի ստեղծմանը։

1. Բարելավել մասնավոր հատվածի զարգացմանն ուղղված ԵՄ աջակցության մշտադիտարկումն ու որակական գնահատումը Արևելյան գործընկերության երկրներում, ներառյալ համապատասխան երկրի առաջատար նախաձեռնությունները։
2. Ամրապնդել հաղորդակցությունը ԵՄ աջակցությամբ իրականացվող մասնավոր հատվածի զարգացման ծրագրերի վերաբերյալ՝ ուղղված պոտենցիալ շահառուներին, այդ թվում՝ միկրո, փոքր և միջին ձեռնարկություններին, կանանց կողմից ղեկավարվող բիզնեսներին, ինչպես նաև անբավարար սպասարկվող տարածաշրջաններում գործող ձեռնարկություններին և այլ շահագրգիռ կողմերին։
3. Բարձրացնել ԵՄ ֆինանսավորմամբ իրականացվող մասնավոր հատվածի զարգացման նախաձեռնությունների տեսանելիությունը և ապահովել միասնական ու հստակ բրենդավորում։

1. Կանոնավոր վերլուծական զեկույցների հրապարակում՝ երկկողմ և տարածաշրջանային մասնավոր հատվածի աջակցության ծրագրերի և նախագծերի, ինչպես նաև դրանց ազդեցության վերաբերյալ։ Զեկույցները կներառեն նաև վերջերս մեկնարկած EFSD և EFSD+ երաշխիքներով և համաֆինանսավորման գործիքներով աջակցվող գործողությունները։
2. Բարելավված հաղորդակցություն և հասանելիություն պոտենցիալ շահառուներին՝ ԵՄ աջակցությամբ իրականացվող ծրագրերի ազդեցությունն առավելագույնի հասցնելու նպատակով, հատկապես խոցելի և անբավարար սպասարկվող խմբերի համար։
3. ԵՄ դիրքի ամրապնդում որպես մասնավոր հատվածի աջակցության առանցքային գործընկեր, ինչպես նաև EU4Business նախաձեռնության բրենդի ճանաչելիության բարձրացում Արևելյան գործընկերության տարածքում, մասնավորապես ՓՄՁ-ների և գործընկեր կառավարությունների շրջանում։ EU4Business նախաձեռնության և դրա շրջանակում իրականացվող նախագծերի տեսանելիությունը կուժեղացվի գործարար համայնքում։
4. Աջակցություն տարածաշրջանում ԵՄ աջակցությամբ մշակված Խելացի մասնագիտացման ռազմավարությունների իրականացմանը։