Լայնածավալ և բազմակողմ գլոբալ ծրագիր՝ ուղղված տղա երեխայի նախապատվության և պտղի սեռով պայմանավորված խտրական ընտրության կանխարգելմանը։ Ծրագիրն իրականացվում է Եվրոպական միության, Նորվեգիայի Զարգացման Համագործակցության Գործակալության (SIDA) և ՄԱԿ-ի Բնակչության Հիմնադրամի (UNFPA) աջակցությամբ։ Հարավային Կովկասի տարածաշրջանում ծրագիրն իրականացվում է Հայաստանում, Ադրբեջանում և Վրաստանում ՄԱԿ-ի Բնակչության հիմնադրամի կողմից ՝ համագործակցելով կառավարությունների, ակադեմիական և հետազոտական հաստատությունների, ծառայություններ մատուցողների, քաղաքացիական հասարակության և համայնքների հետ: Ծրագրային միջամտությունները ուղղված են սեռով պայմանավորված ընտրության պատճառների և հետևանքների մասին ընդհանուր գիտելիքների ընդլայնմանը՝ անդրադառնալով սոցիալական նորմերին, որոնք խտրական վերաբերմունք են ձևավորում կանանց նկատմամբ և ավելի ցածր արժեք վերագրում աղջիկ երեխաներին։

Ծրագրի ընդհանուր նպատակն է նպաստել պտղի սեռով պայմանավորված խտրական ընտրության վերացմանը` արդյունքների վրա հիմնված քաղաքականության, ռազմավարության մշակման, իրականացման և հաշվետվողականության միջոցով:
Հատուկ նպատակներն են՝
1. Բարելավել սեռերի հարաբերակցությունը ծնունդների ժամանակ՝ ընտրված երկրներում:
2. Բարելավել վարքագծի սոցիալական և մշակութային օրինաչափությունները, որոնք հիմնված են աղջիկների արժեվորման վրա:
3. Ամրապնդել բազմաշահառուների և բազմաոլորտային ազգային և տարածաշրջանային կարողությունները սեռի ընտրությանն ուղղված քաղաքականության և ծրագրերի քարոզչության, մշակման, իրականացման, մոնիտորինգի և գնահատման համար:

1. Համակարգման և վերահսկողության ուժեղացված կառավարում:
2. Ուսումնասիրված համատեքստային իրողություններ, որոնք ընկած են սեռի ընտրության հիմքում և դրա փոխկապակցվածությունը այլ վնասակար գործելակերպերի հետ:
3. Մշակված և կիրառվող փոփոխություններին հետևելու և միջամտությունների ազդեցության ցուցանիշները:
4. Բարելավված սոցիալական և մշակութային վարքագծի ձևեր, որոնք հիմնված են աղջիկ երեխայի արժևորման գաղափարի վրա:
5. Ամրապնդվում են բազմաշահառուների և բազմաոլորտային ազգային և տարածաշրջանային կարողությունները սեռի ընտրությանն ուղղված քաղաքականության և ծրագրերի քարոզչության, մշակման, իրականացման, մոնիտորինգի և գնահատման համար: