Կառուցվածքային բարեփոխումների մեխանիզմն ուղղված է նպաստելու կայուն և արդար տնտեսական աճի մոդելների մշակմանը` գործարար ու ներդրումային միջավայրի և ֆինանսական ենթակառուցվածքների, մարդկային կապիտալի (ներառյալ աշխատաշուկան և սոցիալական պաշտպանվածությունը), տնտեսական կառավարման և հանրային ֆինանսների կայունության ոլորտներում բարեփոխումների իրականացման և օրենքի գերակայություն ու լավ կառավարման ամրապնդման միջոցով:

Կառուցվածքային բարեփոխումների մեխանիզմի նպատակն է նպաստել Արևելյան գործընկերության (ԱլԳ) երկրներում կայուն և հավասար տնտեսական աճի մոդելների մշակմանը, որոնք կարող են ավելի շատ ներդրումներ ներգրավել և բարելավել քաղաքացիների սոցիալ-տնտեսական պայմաններն ու զբաղվածության հնարավորությունները:

Մեխանիզմը կաջակցի կառուցվածքային բարեփոխումների մշակմանն ու իրականացմանը հետևյալ ոլորտներում.
- Գործարար ու ներդրումային միջավայր և ֆինանսական ենթակառուցվածքներ․
- Մարդկային կապիտալ, ներառյալ աշխատաշուկան և սոցիալական պաշտպանվածությունը․
- Տնտեսական կառավարում և հանրային ֆինանսների կայունություն․
- Օրենքի գերակայության և լավ կառավարման ամրապնդում: