EU4Culture-ը հայտարարում է շարժունակության դրամաշնորհների մրցույթ՝ Արեւելյան գործընկերության երկրների ոչ մայրաքաղաքային բնակավայրերում ապրող արվեստագետների եւ մշակույթի ոլորտի մասնագետների համար
Եվրոպական միության կողմից ֆինանսավորվող «EU4Culture» («ԵՄ-ն՝ մշակույթի համար») ծրագիրը հայտարարում է իր շարժունակության դրամաշնորհների չորրորդ հայտամրցույթը, որն ուղղված է աջակցելու Հայաստանի, Ադրբեջանի, Վրաստանի եւ Մոլդովայի ոչ մայրաքաղաքային բնակավայրերում ապրող արվեստագետներին ու մշակույթի ոլորտի մասնագետներին:
Հայտարմցույթը նպատակ ունի խթանել մշակույթի ոլորտի մասնագետների միջեւ միջմշակութային երկխոսությունը եւ գիտելիքի փոխանակումը։ Այն կաջակցի մի շարք գործողությունների, այդ թվում՝ աշխատանքային պրակտիկաներ, ճանաչողական այցեր, կոնֆերանսներ, մասնագիտական զարգացման հնարավորություններ եւ այլ երկրում անցկացվող տարբեր նախաձեռնություններ։
Դիմելու իրավունք ունեն 18 տարին լրացած բոլոր արվեստագետներն ու մշակույթի ոլորտի մասնագետները, ովքեր բնակվում են վերոնշյալ երկրների ոչ մայրաքաղաքային բնակավայրերում։
Մրցույթը նախատեսված է չորս տեսակ շարժունակության գործողությունների ֆինանսավորման համար.
- Կարճաժամկետ (5-10 օրացուցային օր)՝ մինչեւ 1,500 եվրո
- Միջնաժամկետ (մինչեւ 5 շաբաթ)՝ մինչեւ 3,500 եվրո
- Երկարաժամկետ (մինչեւ 12 շաբաթ)՝ մինչեւ 5,000 եվրո
- Վիրտուալ (առցանց մասնակցություն)՝ մինչեւ 1,000 եվրո։
Շարժունակության ծրագրերը կարող են իրականացվել 2023 թվականի նոյեմբերի 15-ից մինչեւ 2024 թվականի օգոստոսի 31-ն ընկած ժամանակահատվածում՝ ԵՄ անդամ երկրներում, ԵՄ գործընկեր երկրներում եւ եվրոպական այլ երկրներում:
«EU4Culture» շարժունակության դրամաշնորհների դիմորդները պետք է մշակեն իրենց կողմից առաջարկվող միջազգային շարժունակության գործողության ծրագիր եւ բյուջե ու այն ներկայացնեն Գյոթե ինստիտուտի հայտերի ընդունման պորտալի (GAP) միջոցով:
Հայտերի ընդունման վերջնաժամկետը 2023 թվականի սեպտեմբերի 25-ն է, ժամը՝ 18։00-ին (ԿԵԺ)։
«EU4Culture»-ը Եվրոպական միության կողմից ֆինանսավորվող քառամյա ծրագիր է, որն աջակցում է Արեւելյան գործընկերության երկրների մշակույթի եւ ստեղծարարության ոլորտներին՝ հատուկ ուշադրություն դարձնելով ոչ մայրաքաղաքային բնակավայրերի վրա։ Ծրագիրն իրականացվում է Գյոթե ինստիտուտի, Չեխական կենտրոնների, Դանիական մշակութային ինստիտուտի եւ Վրաստանում ֆրանսիական ինստիտուտի կողմից: Իր ստեղծման օրվանից «EU4Culture»-ն իրականացրել է շարժունակության դրամաշնորհների երեք մրցույթ՝ աջակցելով 274 անհատների շարժունության ծրագրերին:
Հետաքրքրված անձինք կարող են նախապես գրանցվել՝ մասնակցելու «EU4Culture»-ի շարժունակության դրամաշնորհների վերաբերյալ տեղեկատվական հանդիպումներին:
Իմացիր ավելին
Նորություններ
Culture Moves Europe: 150 residency projects selected, including in Armenia, Georgia, and Moldova
Armenia: EBRD appoints Remon Zakaria head of Yerevan office
EU4Energy Phase III brings together European and Eastern Partnership energy experts in Brussels
EU Green Week event showcases innovative wastewater solutions for EU’s Eastern Partnership countries
