Հայաստան․ ԵՄ դեսպանը մասնակցել է «Բերքի տոն 2026»-ին

Սեպտեմբերի 19-ին Հայաստանում ԵՄ դեսպան Վասիլիս Մարագոսը մասնակցել է «Գյուղական կյանք և ավանդույթներ. Բերքի տոն 2026» փառատոնին, որն անցկացվում էր Ձորաղբյուրում ԵՄ աջակցությամբ գործող Կանաչ ուսուցման կենտրոնում։

Փառատոնն անցկացվում է 13-րդ անգամ և դարձել է աշնանային գեղեցիկ ավանդույթ, որը նվիրված է գյուղական կյանքին, տեղական ավանդույթներին և Հայաստանի ֆերմերների ու արտադրողների քրտնաջան աշխատանքին: Դեսպանն այցելել է մթերքի տաղավարներ, զրուցել ֆերմերների հետ և մասնակցել տարբեր միջոցառումների:

Ցուցադրված ապրանքների բազմազանությունն ու որակն իսկապես տպավորիչ էին՝ ի ցույց դնելով Հայաստանի գյուղատնտեսության ոլորտի հարստությունն ու ներուժը: Հայկական մրգերը, բանջարեղենն ու ծաղիկներն արդեն իսկ հասնում են ԵՄ ավելի քան մեկ տասնյակ անդամ պետությունների սպառողներին, և ԵՄ-ն աշխատում է հայ արտադրողների հետ՝ եվրոպական շուկայում նոր հնարավորություններ բացելու ուղղությամբ:

ԵՄ-ն կանգնած է Հայաստանի գյուղական համայնքների, ֆերմերների և արտադրողների կողքին՝ աջակցելով կայուն գյուղատնտեսությանը, նորարարություններին և աճի նոր հնարավորություններին:

Իմանալ ավելին

Մամուլի  հաղորդագրություն

Armenia: EU Ambassador joins 2026 Harvest Festival նյութն առաջինը հրապարակվել է EU NEIGHBOURS east կայքում։