Երիտասարդական քաղաքականության ուղեցույց
Այս փաստաթուղթը մեթոդական ուղեցույց է «Երիտասարդական քաղաքականության լաբորատորիա» (ԵՔԼ) մոտեցման վերաբերյալ այն երիտասարդական կազմակերպությունների, տեղական քաղաքականություն մշակողների և ֆասիլիտատորների համար, որոնք ցանկանում են պլանավորել, նախագծել, իրականացնել և հետամուտ լինել Երիտասարդական քաղաքականության մշակման ընթացքին: Այն մշակվել է «EU4Youth. համակարգում և քաղաքականության աջակցություն» ծրագրի կողմից և վերանայվել ու կատարելագործվել է Արևելյան գործընկերության տարածաշրջանում Երիտասարդական քաղաքականության լաբորատորիայի բազմաթիվ փուլերի ընթացքում արձանագրված համեմատական ներդրման փորձի հիման վրա:
Հիմնվելով սկզբնական ուղեցույցների վրա՝ այս թարմացված հրատարակությունը ուղեգծում է ԵՄ ընդլայնման և ժողովրդավարական կառավարման օրակարգում Երիտասարդական քաղաքականության լաբորատորիաների դերի, ֆասիլիտատորների ներգրավման և մասնագիտական զարգացման, նախագծման ամբողջական շրջանակի, հետագա քայլերի փուլի պլանավորման ու կառուցվածքավորման, ինչպես նաև մեթոդաբանության պահպանման ու ընդլայնման համար տարածաշրջանային փոխանակման արժեքի վերաբերյալ: Մշակված ստուգաթերթն օգնում է ընթերցողներին տարբերակել Երիտասարդական քաղաքականության լաբորատորիաները երիտասարդների մասնակցության այլ ձևերից, իսկ տարբեր համատեքստերում ներդրման փորձից քաղված փաստահեն առաջարկությունների հավելվածը ներառված է որպես հղում ծրագրի նախագծման և ինստիտուցիոնալ հանձնառության համար:
Այս հրատարակությունը նախատեսված է երիտասարդական կազմակերպությունների, տեղական ինքնակառավարման մարմինների, ֆասիլիտատորների թիմերի և ծրագրերի համակարգողների համար, ովքեր առաջին անգամ են առնչվում Երիտասարդական քաղաքականության լաբորատորիայի մեթոդաբանությանը կամ ցանկանում են կատարելագործել արդեն առկա փորձը:
«Երիտասարդական քաղաքականության ուղեցույց» նյութն առաջինը հրապարակվել է EU NEIGHBOURS east կայքում։
