ԵՄ ածխածնային սահմանների ճշգրտման մեխանիզմ (CBAM)․ փաստերի հավաքագրում
Եվրոպական միության թիվ 2023/956 Կանոնակարգը («CBAM Կանոնակարգ) սահմանում է ընդունել գործադիր ակտեր՝ հստակեցնելու և համահունչ դարձնելու CBAM կարգավորման հիմնական տեխնիկական ասպեկտները։
Այս ակտերն էական են CBAM Կանոնակարգի՝ ամբողջական ռեժիմով գործունեության ապահովման համար, որը կսկսվի 2026 թ․ հունվարի 1-ից, իսկ առաջին CBAM հայտարարագրերը պետք է ներկայացվեն մինչև 2027 թ․ սեպտեմբերի 30-ը։
Այս գործընթացի շրջանակում Եվրոպական հանձնաժողովի Հարկման և մաքսային միության գլխավոր տնօրինության (DG TAXUD) 2025 թ․ օգոստոսի 28-ին գործարկել է 3 հայտերի հավաքագրում, որոնց նպատակն է ստանալ շահառուների, այդ թվում՝ գործընկեր երկրների կարծիքը և ապահովել CBAM կարգավորման գործադիր ակտերի մշակումը հետևյալ հարցերի վերաբերյալ.
- Ներկառուցված արտանետումների հաշվարկ (Հոդված 7)
- CBAM պարտավորության ճշգրտում՝ հաշվի առնելով երրորդ երկրում փաստացի վճարված ածխածնի գինը (Հոդված 9)
- CBAM պարտավորության ճշգրտում՝ հաշվի առնելով ԵՄ ածխաթթու գազի արտանետումների առևտրի համակարգում (EU ETS) 2026–2034 թթ․ ընթացքում տրամադրված անվճար հատկացումները (Հոդված 31)
Կարող եք ներկայացնել ձեր դիտարկումները ստորև առկա հղումների միջոցով՝
- Մեթոդաբանություն՝ 2026 թ․ հունվարի 1-ից մեկնարկող եզրափակիչ ժամանակաշրջանի համար՝ https://shorturl.at/bkql9
- Պարտավորության ճշգրտում՝ հաշվի առնելով անվճար ETS հատկացումները` https://shorturl.at/zgD6m
- Երրորդ երկրում վճարված ածխածնի գինը` https://shorturl.at/f6pYc
Հավաքագրման գործընթացը բաց է մինչև սեպտեմբերի 25-ը։
Մանրամասները՝ https://taxation-customs.ec.europa.eu/carbon-border…