ՎԶԵԲ Impact Academy. «Սննդի թափոնների նորարարական կրճատում եւ վերամշակում» առցանց ուսումնական մոդուլ
Վերակառուցման եւ զարգացման եվրոպական բանկի Impact Academy-ն մեկնարկել է «Սննդի թափոնների նորարարական կրճատում եւ վերամշակում» առցանց ուսուցողական մոդուլը։
Այս մոդուլը նախատեսված է ՎԶԵԲ-ի գործունեության երկրներում շահագրգիռ կողմերի շրջանում սննդի կորստի եւ թափոնների կրճատման եւ վերամշակման վերաբերյալ քաղաքականության գիտելիքներն ու փորձը բարելավելու համար՝ հիմնվելով Կորեայի Հանրապետության լավագույն փորձի վրա: Այն նպատակ ունի աջակցել քաղաքականության գործողությունների մշակմանը եւ իրականացմանը, որոնք խթանում են կայուն սննդի արժեքային շղթան՝ միաժամանակ լուծելով կլիմայի փոփոխության եւ սննդի անվտանգության նման կարեւորագույն մարտահրավերները:
«Թափոնների արդյունավետ կրճատումը պահանջում է հուսալի կառավարում, հստակ սահմանված նպատակներ, տվյալների վրա հիմնված համագործակցություն, ենթակառուցվածքային ներդրումներ եւ շահագրգիռ կողմերի համապարփակ ներգրավում: Զարգացող տեխնոլոգիաները, մասնավորապես՝ ՏՏ-ն, բլոկչեյնը եւ արհեստական բանականությունը, կարեւորագույն դեր են խաղում գյուղատնտեսական պարենային համակարգերի վերափոխման գործում՝ բարելավելով հետագծելիությունը, արդյունավետությունը եւ ռեսուրսների օպտիմալացումը», — ասվում է մոդուլի նկարագրության մեջ:
Սա վեբ-մոդուլ է, հետեւաբար, լրացուցիչ ծրագրակազմի անհրաժեշտություն չկա։
Մոդուլը բաղկացած է հինգ դասից, որոնք կարող եք անցնել ձեր նախընտրած տեմպով: Դասընթացը հասանելի է անգլերեն լեզվով: Մոդուլն ավարտելու համար պահանջվում է մոտավորապես 3-4 շաբաթ՝ շաբաթական 1-2 ժամ հատկացնելու դեպքում:
Իմացիր ավելին
ՎԶԵԲ Impact Academy. «Սննդի թափոնների նորարարական կրճատում եւ վերամշակում» առցանց ուսումնական մոդուլ նյութն առաջինը հրապարակվել է EU NEIGHBOURS east կայքում։
Նորություններ
Մեկ պատուհանի սկզբունքով գործող հարթակ՝ Լեռնային Ղարաբաղից տեղահանված անձանց աջակցելու համար
Europol celebrates International Day of Police Cooperation
EU greenlights landmark customs reform
EU and its Member States reaffirm their support for effective multilateralism
