Խնձորեսկից դեպի շուկա. տեղական կաթնամթերքի արտադրությունը խթանում է համայնքի զարգացնումը | Տեսապատմություն

Արդեն մեկ տասնամյակ է, ինչ Մանե Գրիգորյանն ու «Խնձորեսկի կաթնամթերք» ընկերության նրա թիմը նվիրումով զբաղվում են Հայաստանի չքնաղ Սյունիքի մարզում բարձրորակ, բնական կաթնամթերքի արտադրությամբ: Սակայն, ինչպես շատ գյուղական բիզնեսներ, ընդլայնվելու ճանապարհին նրանք նույնպես բախվեցին մի մեծ խոչընդոտի՝ ժամանակակից սարքավորումների անհրաժեշտությանը:

Այս տեխնիկական խնդիրները հաղթահարելու համար «Խնձորեսկի կաթնամթերքը» գործընկերացավ համաֆինանսավորվող տարածաշրջանային զարգացման «R2DSyunik» ծրագրի (Դիմակայուն Սյունիք Թիմ Եվրոպա նախաձեռնություն ներքո) հետ:

Այս նախաձեռնության շնորհիվ բիզնեսը ստացավ կենսական նշանակություն ունեցող տեխնիկական աջակցություն, այդ թվում՝ 80,000 եվրո արժողությամբ գերժամանակակից վերամշակման սարքավորումներ:

Նոր սարքավորումների ազդեցությունը զգացվեց գրեթե անմիջապես: Զարմանալիորեն կարճ ժամանակահատվածում արտադրամասը կարողացավ օպտիմալացնել իր արտադրության արդյունավետությունը, գրանցել ավելի բարձր արդյունքներ և շուկային ներկայացնել մասնագիտացված կաթնամթերքի ավելի լայն տեսականի:

«Խնձորեսկի կաթնամթերքի» հաջողությունը շատ ավելին է, քան պարզապես ընկերության ֆինանսական հաշվետվությունները: Գյուղական համայնքներում ծաղկող վերամշակող գործարանը գործում է որպես տնտեսական խարիսխ ամբողջ էկոհամակարգի համար: Արտադրամասն ապահովում է կայուն տեղական զբաղվածություն՝ բնակիչներին հնարավորություն տալով աշխատանքի փնտրտուքով չլքել տարածաշրջանը: Կազմակերպությունն ուղղակիորեն քաջալերում է տեղի գյուղացիներին պահպանել ու զարգացնել անասնապահությունն ու գյուղատնտեսությունը՝ ապահովելով հում կաթի իրացման հուսալի շուկա: Տեղական վերամշակման կարողությունների մեջ ներդրված յուրաքանչյուր լումա շղթայական ազդեցություն է ունենում՝ ամրապնդելով Սյունիքի մարզի պարենային անվտանգությունն ու տնտեսական դիմակայունությունը:

Յուրաքանչյուր հաջողված տեղական բիզնես նշանակում է տարածաշրջանի ավելի ուժեղ ու պայծառ ապագա: Դիտե՛ք տեսանյութը և միացե՛ք մեզ՝ տոնելու Մանեի և նրա թիմի այս տպավորիչ ձեռքբերումը: