Skip to main content

ԵՄ-ՀԱՅԱՍՏԱՆ ՀԱՄԱԳՈՐԾԱԿՑՈՒԹՅՈՒՆ 

Այս տարի Եվրոպական ժառանգության օրեր միջոցառումն ուղղված էր շրջակա միջավայրի պաշտպանությանը

Դեկտեմբերի 1, 2022

Եվրոպական ժառանգության վերաբերյալ հասարակության տեղեկացվածության բարձրացմանն ուղղված Եվրոպական ժառանգության օրեր միջոցառումն այս տարի Հայաստանում նշվել է «Խոսրովի անտառ» պետական արգելոցում՝ ընդգծելու մշակույթի և շրջակա միջավայրի կարևորությունը: 2022 թվականի  համաեվրոպական գլոբալ թեմա՝ «Կայուն ժառանգություն» խորագրի ներքո Հայաստանում ԵՄ պատվիրակությունը և «Environment Group»-ն իրականացրել են «Վեդին առանց պլաստիկի» համատեղ ծրագիրը, որի նպատակն է բարձրացնել իրազեկվածությունը մեկանգամյա օգտագործման պլաստիկի վնասակար հետևանքների և շրջակա միջավայրի պահպանման կարևորության մասին։ Ծրագրի շրջանակներում Վեդիի յուրաքանչյուր տան տրամադրվելու է՝ #VediWthoutPlastic խորագրով բազմակի օգտագործման պայուսակ տոպրակներ՝ աջակցելու Հայաստանի պոլիէթիլենային տոպրակների օգտագործման դեմ պայքարին ուղղված ջանքերին։

Երևանում կայացավ ԵՄ Թվինինգ ծրագրի փակմանը նվիրված միջոցառումը

Նոյեմբերի 29, 2022

Հունաստանի և Իտալիայի խորհրդարանների կոնսորցիումի կողմից իրականացվող «Ազգային ժողովի կարողությունների հզորացում՝ ՀԸԳՀ վերահսկողության և իրականացման հետագա աջակցության նպատակով» ԵՄ Թվինինգ ծրագրի փակմանը նվիրված միջոցառումը նոյեմբերի 29-ին կայացավ Երևանում։ Ծրագրի շրջանակներում վերջին երկու տարիներին Հունաստանի և Իտալիայի խորհրդարանների փորձագետներն աշխատեցին Ազգային ժողովի գործընկերների հետ՝ կատարելագործելու Ազգային ժողովի կարողությունները, ինչպես նաև ներառական և փաստահեն եղանակով խթանելու ՀԸԳՀ-ին առնչվող օրենսդրությունն ու ոլորտային քաղաքականությունները՝ միևնույն ժամանակ բարձրացնելով ՀԸԳՀ-ի ներազդեցության և օգուտների վերաբերյալ իրազեկվածությունը:

«Քովիդ 19 համերաշխության ծրագիր»-ն օգնում է հաղթահարել համավարակի անմիջական և երկարաժամկետ հետևանքները

Նոյեմբերի 22, 2022

Եվրոպական միության ֆինանսավորմամբ Քովիդ 19 համավարակի անմիջական և երկարաժամկետ հետևանքները չեզոքացնելուն ուղղված «Քովիդ 19 համերաշխության ծրագրի» ամփոփմանը քննարկվեց ՀՀ աշխատանքի և սոցիալական հարցերի նախարարության հետ համատեղ ստեղծված զբաղվածության պետական ռազմավարության նախագծային տարբերակը։ «Քովիդ 19 համերաշխության ծրագիր»-ն իրականացվել է Մարդը կարիքի մեջ ՀԿ կողմից: Համավարակին անմիջապես և երկարաժամկետ արձագանքելու նպատակով ծրագիրն աջակցություն է տրամադրել  շուրջ 20 հասարակական կազմակերպությունների։

Իջևանում Եվրոպական միությունն օգնում է ընդլայնել հանրային-մասնավոր գործընկերությունը

Նոյեմբերի 1, 2022

Եվրոպական միությունը «Իջևանում տնտեսական զարգացման և նորարարության խթանում՝ պետություն-մասնավոր համագործակացության և համայնքային էկոհամակարգերի ստեղծման միջոցով․ԻննոԻջևան» ծրագրի միջոցով օգնում է ընդլայնել հանրային-մասնավոր ոլորտում գործընկերությունը Հայաստանի հյուսիսային մարզում: Համայնքի ղեկավարներ հանուն տնտեսական զարգացման նախաձեռնության շրջանակներում ԵՄ ֆինանավորմամբ իրականացվող այս ծրագրի նպատակն է Իջևանում ստեղծել զբոսաշրջության, գյուղատնտեսության և սննդի վերամշակման կայուն էկոհամակարգ, ինչպես նաև կրթել երիտասարդներին՝ ներգրավելու գործարկված ծրագրերում:

ԵՄ դեսպան Անդրեա Վիկտորինը Գյումրիում հանդիպել է «Ագաթ» հաշմանդամություն ունեցող կանանց իրավունքների պաշտպանության կենտրոնի շահառուներին

Հոկտեմբերի 26, 2022

Կարևորելով քաղաքացիական հասարակության դերակատարումը Հայաստանում՝ ԵՄ դեսպան Անդրեա Վիկտորինը հոկտեմբերի 26-ին Շիրակի մարզ կատարած այցի շրջանակում՝ Գյումրիում հյուրընկալվել է «Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ում։ ԵՄ դեսպանն ընդգծել է, որ քաղաքացիական հասարակությանն օժանդակելու պատրաստակամությունը կարևոր է՝ հաշվի առնելով, որ քաղհասարակության մասնակցությունը թույլ է տալիս գրանցել շոշափելի հավելյալ արդյունք կրթության, առողջապահության, սոցիալական պաշտպանության, աշխատանքային իրավունքների պաշտպանության, արդարադատության բարեփոխումների, անհավասարության դեմ պայքարի, սոցիալական ձեռներեցության, ենթակառուցվածքների, մշակույթի, կայուն գյուղատնտեսության, կլիմայի փոփոխության, երիտասարդության և կանանց իրավահավասարության ոլորտներում։

«Բերքի տոն 2022»

Հոկտեմբերի 24, 2022

Եվրոպական միութունը՝ կարևորելով գյուղատնտեսության ոլորտի կայուն զարգացումը  երկրի տնտեսական աճի համար,  մշտապես աջակցել է ոլորտին վերաբերող միջոցառումներին: «Բերքի տոն 2022»-ի առթիվ ՀՀ քաղաքացիները և հյուրերը հնարավորություն ունեցան համտեսելու Հայաստանի առատ սնունդն ու բերքն ու բարիքը: Ֆերմերների բացառիկ աշխատանքը կարևորող այս փառատոնի շրջանակում մեկ վայրում են հանդիպել Հայաստանի տարբեր մարզերում գործունեություն ծավալող ֆերմերներ, արտադրողներ, գնորդներ, վերամշակողներ, տարբեր կազմակերպությունների և  դոնոր միջավայրի ներկայացուցիչներ՝  նպատակ ունենալով փոխանակել կուտակված փորձը և ձեռք բերել նոր շուկաներ մուտք գործելու հնարավորություն։

Անգլերեն լեզվի դասընթացների միջոցով ԵՄ-ն աջակցում է զբոսաշրջության ոլորտի մասնագետներին

Հոկտեմբերի 3, 2022

Զբոսաշրջության ոլորտի մասնագետների անգլերեն լեզվի գիտելիքները բարելավելու նպատակով Եվրոպական միության ֆինանսավորմամբ իրականացվել է «Անգլերեն լեզվի դասընթացներ զբոսաշրջության ոլորտի մասնագետների համար Հայաստանի երեք հյուսիսային մարզերում» ծրագիրը: Ծրագրի ամփոփիչ միջոցառումը տեղի ունեցավ  հոկտեմբերի 3-ին, որի ժամանակ դեսպան Անդրեա Վիկտորինը նշեց զբոսաշրջության առավելությունները տեղական տնտեսական զարգացման համար՝ ընդգծելով, որ զբոսաշրջիկների կողմից տեղում ծախսված գումարները կմնան երկրի ներսում: «Անգլերեն լեզվի դասընթացներ զբոսաշրջության ոլորտի համար Հայաստանի երեք հյուսիսային մարզերում» ծրագիրն իրականացվել է «Նորարարական տուրիզմ և տեխնոլոգիաների զարգացում» ծրագրի շրջանակում՝ Բրիտանական խորհրդի հետ համագործակցությամբ: Դասընթացի շնորհիվ Հայաստանի երեք հյուսիսային մարզերի ավելի քան 140 մասնակից բարելավել է իր լեզվի մակարդակը, ինչի շնորհիվ նրանք հնարավորություն ունեն գրանցել մասնագիտական աճ ու ապահովել կայուն եկամուտ:

Ամփոփվեց «Քաղաքացիական հասարակության դերակատարները՝ որպես փոփոխությունների կրողներ Հարավային Կովկասում և Մոլդովայում» տարածաշրջանային ծրագիրը

Սեպտեմբերի 30, 2022

«Քաղաքացիական հասարակության դերակատարները՝ որպես փոփոխությունների կրողներ Հարավային Կովկասում և Մոլդովայում» տարածաշրջանային ծրագրի ամփոփումը կայացավ սեպտեմբերի 30-ին, որի ընթացքում խոսվեց ծրագրի արդյունքներից և Հայաստանում ՔՀԿ-ների գործունեության մարտահրավերներից: Ծրագրին աջակցում է Եվրոպական միությունը. այն իրականացվում է «Մարդը կարիքի մեջ» կազմակերպության կողմից: Եվրոպական միությունը հանձնառու է աջակցելու Հայաստանում քաղաքացիական հասարակությանը։

Կայացավ ՀԸԳՀ առընթեր ԵՄ-Հայաստան առևտրի հարցերով գործընկերության կոմիտեի չորորրդ հանդիպումը

Սեպտեմբերի 30, 2022

Եվրոպական միության և Հայաստանի միջև կնքված Համապարփակ և ընդլայնված գործընկերության համաձայնագրին (ՀԸԳՀ) առընթեր ԵՄ-Հայաստան առևտրի հարցերով չորորրդ գործընկերության կոմիտեն տեղի ունեցավ սեպտեմբերի 29-ին և 30-ին: Կոմիտեի հանդիպումների օրակարգում ընդգրկված էին ՀԸԳՀ-ի առանցքային հարցեր, մասնավորապես՝ մտավոր սեփականության իրավունք, պետական գնումներ, ապրանքների առևտուր, սանիտարական միջոցառումներ, առևտրի տեխնիկական խոչընդոտներ, մրցակցություն, մաքսային հարցեր, առևտուր և կայուն զարգացում։

Երիտասարդները ԵՄ աջակցությամբ իրականացվող «UPSHIFT» Իջևան ծրագրի կենտրոնում

Սեպտեմբերի 30, 2022
Եվրոպական միության աջակցությամբ և ՅՈՒՆԻՍԵՖ-ի ու Երիտասարդական նախաձեռնությունների կենտրոնի կողմից իրականացվող «UPSHIFT» Իջևան ծրագրի արդյունքներն ամփոփվեցին դեռահասների կողմից իրականացվող նախաձեռնությունների շնորհանդեսով: Սեպտեմբերի 30-ին կայացած ամփոփիչ միջոցառմանը, Հայաստանում ԵՄ դեսպան Անդրեա Վիկտորինը նշեց, որ յուրաքանչյուր ազգի ողնաշարը նրա երիտասարդներն են։ «UPSHIFT-ը մարզում և կրթում է քաղաքացիներին: Դուք եք ձեր համայնքում փոփոխությունների և նորարարությունների հիմնական շարժիչ ուժը»,- հավելեց ԵՄ դեսպանը։

ԵՄ-ն գիտության և տեխնոլոգիաների կոնվերգենցիայի հարթակի միջոցով աջակցում է հայ մասնագետների միջև համագործակցության ընդլայնմանը

Սեպտեմբերի 28, 2022

Կատալիզատոր հիմնադրամի կողմից՝ «ԵՄ-ն՝ բիզնեսի համար» նախաձեռնության «Նորարարական տուրիզմ և տեխնոլոգիաների զարգացում» ծրագրի շրջանակում ստեղծվել է գիտության և տեխնոլոգիաների կոնվերգենցիայի նոր հարթակը: Այն նպատակ ունի նպաստել Հայաստանում գիտության, արդյունաբերության, ինչպես նաև ակադեմիական համայնքի, կառավարության և դոնոր համայնքի ներկայացուցիչների միջև համագործակցության սերտացմանը։

Եվրոպական միության շուկան ավելի հասանելի է հայ գործարարին շնորհիվ նոր EaP Trade Helpdesk հարթակի

Սեպտեմբերի 20, 2022

Եվրոպական միության շուկան հայ գործարար համայնքի ներկայացուցիչներին ավելի հասանելի դարձնելու նպատակով սեպտեմբերի 20-ին գործարկվեց Արևելյան գործընկերության (ԱլԳ) Առևտրի աջակցության հարթակը: Հարթակի նոր գործարկված հայերեն տարբերակի միջոցով պետական և մասնավոր ոլորտի ներկայացուցիչների համար հասանելի են  Եվրոպական միության և ԱլԳ տարածաշրջանի երկրներում առևտրի հնարավորությունների մասին վերլուծական նյութեր: Հարթակը գործարկվել է Եվրոպական միության, Առևտրի միջազգային կենտրոնի և ՀՀ էկոնոմիկայի նախարարության համատեղ ջանքերի արդյունքում` նպաստելով ԱլԳ տարածաշրջանի երկրների և ԵՄ-ի հետ առևտրի ծավալների մեծացմանը: Այն գործարկվում է ԵՄ-ն Բիզնեսի համար նախաձեռնության շրջանակներում, որի նպատակն է աջակցել փոքր և միջին բիզնեսի աճին։