«Աջակցություն ԵՄ Արևելյան գործընկերության երկրներին՝ ակտիվների վերականգնման գործում» ծրագիրն ընդլայնում է արևելյան գործընկեր երկրների՝ կազմակերպված հանցավոր գործունեության հետ կապված ակտիվներին հետևելու ու առգրավելու և դրա արդյունքում ստացված միջոցները զարգացման գերակա առաջնահերթություններին, այդ թվում` առողջապահության և կրթության ոլորտներ ուղղելու կարողությունը։

«Աջակցություն ԵՄ Արևելյան գործընկերության երկրներին» ծրագիրը նպատակ ունի բարձրացնել ակտիվների վերականգնման մակարդակը՝ քրեական տարրերին հանցավոր եղանակով ստացված եկամուտներից զրկելու, ինչպես նաև Արևելյան գործընկերության տարածաշրջանում մասնավորապես ֆինանսական հանցագործությունների հետաքննության ուղղությամբ միջգերատեսչական և անդրսահմանային համակարգման բարելավման միջոցով:

- Ֆինանսական հետաքննիչների՝ կազմակերպված հանցավոր շրջանակների տիրապետած ակտիվների հետքերը գտնելու, սառեցնելու, առգրավելու, բռնագրավելու և վերականգնելու կարողությունների ամրապնդում․
- Արևելյան գործընկեր երկրների առանցքային պաշտոնյաները կօգտվեն ՄԱԿ-ի Հանցավորության և արդարադատության հարցերի միջտարածաշրջանային գիտահետազոտական ինստիտուտի (UNICRI) փորձից՝ կարիքների մանրակրկիտ գնահատման և նեղ մասնագիտական ուսուցման միջոցով․
- Կարողությունների զարգացման փաթեթի մաս կկազմեն առանցքային խնդիրների հաղթահարմանն ուղղված կոլեգիալ մենթորությունը և կանոնավոր իրավաբանական խորհրդատվությունը, ինչպիսին ակտիվների առգրավման և բռնագրավման համար անդրսահմանային համագործակցությունն է։