2009 թվականին հիմնադրումից ի վեր Արևելյան գործընկերության քաղաքացիական հասարակության ֆորումը (ԱԳ ՔՀՖ) հաստատվել է որպես Արևելյան գործընկերության քաղաքականության իրականացման կարևոր շահագրգիռ կողմ՝ ներկայացնելով քաղաքացիական հասարակության ինքնակազմակերպման եզակի մոդել տարածաշրջանային մակարդակով։ ԱԳ ՔՀՖ-ն համախմբում է քաղաքացիական հասարակության կազմակերպություններ Արևելյան գործընկերության վեց երկրներից (Հայաստան, Ադրբեջան, Բելառուս, Վրաստան, Մոլդովա և Ուկրաինա), ինչպես նաև ԵՄ-ում գործող այն ՔՀԿ-ներին, որոնք ակտիվ են ԱԳ տարածաշրջանում՝ ապահովելով փորձի փոխանակման և գործընկերությունների ձևավորման հարթակ։
ԱԳ ՔՀՖ-ն իր գործունեությամբ նպաստում է Արևելյան հարևանության ձևավորմանը որպես ժողովրդավարական, բարեկեցիկ և խաղաղ տարածաշրջան, որը հավատարիմ է եվրոպական արժեքներին և չափանիշներին, և որտեղ քաղաքացիական հասարակությունը հանդիսանում է ժողովրդավարական կառավարման անբաժանելի բաղադրիչ, ժողովրդավարական բարեփոխումների ակտիվ դերակատար և տարածաշրջանում ժողովրդավարական անցումների վերաբերյալ գիտելիքների կարևոր աղբյուր։
Ֆորումը ապահովում է Արևելյան գործընկերության և Եվրոպական միության քաղաքացիական հասարակության արդյունավետ մասնակցությունը Արևելյան գործընկերության քաղաքականության պլանավորման, մոնիթորինգի և իրականացման գործընթացներին՝ ԵՄ և ԱԳ երկրների որոշում կայացնողների հետ կառուցողական երկխոսության շրջանակում՝ ուղղված գործընկեր պետությունների ժողովրդավարական վերափոխմանը և եվրոպական ինտեգրմանը։

1. Արևելյան գործընկերության երկրներում քաղաքացիական հասարակության ավելի կայուն մասնակցություն ժողովրդավարական գործընթացներին և տնտեսությանը։
2. Արևելյան գործընկերության քաղաքացիական հասարակության ֆորումի (ԱԳ ՔՀՖ) և նրա անդամների գործունեության ավելի պրոֆեսիոնալացված կազմակերպում։
3. ԱԳ ՔՀՖ-ի ազդեցության ամրապնդում քաղաքականություն մշակողների և լայն հանրության վրա։

1. Արևելյան գործընկերության քաղաքացիական հասարակության ֆորումի (ԱԳ ՔՀՖ) անդամների տեխնիկական և ներքին կարողությունների բարձրացում։
2. ԱԳ ՔՀՖ անդամների համար քաղաքականությունների մշակման գործընթացներում շահերի պաշտպանության (advocacy) հնարավորությունների ընդլայնում։