Այս նախագիծը իրականացվում է Transatlantic Foundation (TF)-ի և Equal Rights & Independent Media (ERIM) կազմակերպության համագործակցությամբ և նպատակ ունի խթանել բազմակարծության, մասնակցային և ներկայացուցչական ժողովրդավարության զարգացումը Արևելյան գործընկերության երկրներում։ Այն անդրադառնում է այն հիմնական մարտահրավերներին, որոնց բախվում են քաղաքացիական հասարակության կազմակերպությունները ընտրությունների դիտարկման և ժողովրդավարական հաշվետվողականության խթանման գործում։
Նախագծի նպատակն է ուժեղացնել քաղաքացիական հասարակության կազմակերպությունների կարողությունները և ներգրավվածությունը ընտրությունների դիտարկման և հաշվետվողականության մեխանիզմների առաջխաղացման գործում։ Ծրագրի հիմնական շահառուներն են քաղաքացիական հասարակության կազմակերպությունները, քաղաքացիական նախաձեռնությունները, քաղաքացիների խմբերը (այդ թվում՝ երիտասարդներ, կանայք և խոցելի խմբեր), անկախ լրատվամիջոցները և վերլուծական կենտրոնները։
Ծրագրի ընդհանուր նպատակն է ապահովել, որ Արևելյան հարևանության տարածաշրջանում քաղաքացիական դերակատարները լինեն ակտիվ, կարողունակ և տեղեկացված, որպեսզի արդյունավետորեն մասնակցեն ընտրությունների դիտարկմանը և նպաստեն ժողովրդավարական հաշվետվողականության մեխանիզմների զարգացմանը։

Ծրագրի ընդհանուր նպատակն է ապահովել, որ Արևելյան հարևանության տարածաշրջանում քաղաքացիական հասարակության դերակատարները ակտիվորեն ներգրավված լինեն և ունենան անհրաժեշտ կարողություններ ու գիտելիքներ՝ ընտրական գործընթացների դիտարկմանը մասնակցելու և ժողովրդավարական հաշվետվողականության մեխանիզմների զարգացմանը նպաստելու համար։

Հատուկ նպատակներ

1. Վերհանել և ավելի լավ հասկանալ այն հիմնական խոչընդոտները, որոնք ներկայում սահմանափակում են ընտրությունների դիտարկումն ու մոնիթորինգը Արևելյան գործընկերության երկրներում։
2. Ամրապնդել քաղաքացիական հասարակության կազմակերպությունների կարողությունները, որպեսզի նրանք կարողանան իրականացնել անկախ և վստահելի ընտրական դիտարկում և վերահսկողական գործունեություն ամբողջ ընտրական գործընթացի ընթացքում՝ նախընտրական, ընտրական և հետընտրական փուլերում։
3. Բարձրացնել հանրային իրազեկվածությունը ընտրական գործընթացներում հնարավոր խախտումների մասին, որոնք կարող են ազդել ընտրությունների վստահելիության և արդյունքների ընդունելիության վրա ինչպես առանձին երկրներում, այնպես էլ տարածաշրջանային մակարդակում։

1. Արևելյան հարևանության տարածաշրջանում քաղաքացիական դերակատարները ակտիվորեն ներգրավված են և ունեն բավարար կարողություններ ու գիտելիքներ՝ ընտրական գործընթացները դիտարկելու և ժողովրդավարական հաշվետվողականության մեխանիզմները խթանելու համար։
2. Քաղաքացիական դերակատարներն ու այլ համապատասխան շահագրգիռ կողմերը ավելի լավ են պատկերացնում Արևելյան գործընկերության երկրներում ընտրությունների դիտարկման և մոնիթորինգի առկա խոչընդոտները։
3. Արևելյան գործընկերության երկրներում քաղաքացիական հասարակության կազմակերպությունների կարողությունները զգալիորեն ուժեղացել են, ինչը նրանց հնարավորություն է տալիս իրականացնել անկախ և վստահելի ընտրական դիտարկում և վերահսկողություն ամբողջ ընտրական գործընթացի ընթացքում՝ նախընտրական, ընտրական և հետընտրական փուլերում։
4. Աճել է հանրային իրազեկվածությունը ընտրական գործընթացներում հնարավոր խախտումների վերաբերյալ, որոնք կարող են ազդել ընտրությունների վստահելիության և դրանց արդյունքների ընդունելիության վրա։