Եվրոպական միության տարածաշրջանային հաղորդակցության ծրագիրը (ԵՄ արևելյան հարևաններ 2020-2024) հաղորդակցման նոր ռազմավարական մոտեցման մի մասն է, որը մշակվել է Եվրոպական հանձնաժողովի Հարևանության և ընդլայնման բանակցությունների հարցերով գլխավոր տնօրինության (DG NEAR) և Արտաքին գործողությունների եվրոպական ծառայության (ԱԳԵԾ) ռազմավարական հաղորդակցության աշխատանքային խմբերի համատեղ գործակցությամբ: Այն ուղղված է ռազմավարական հաղորդակցական գործողությունների ամրապնդմանը, ԵՄ-ի և նրա քաղաքականության հասարակական ըմբռնման բարելավմանը, ինչպես նաև ԵՄ-ում ու նրա արևելյան հարևանության տարածքում ապատեղեկատվության նկատմամբ հասարակական դիմակայունության ձևավորմանը:

Եվրոպական միության հարևանության հաղորդակցության ծրագիրն ուղղված է լրացնելու և ամրապնդելու գործընկերային հարաբերությունները, սիներգիաները, որն իրականություն կդառնա ԵՄ պատվիրակությունների կողմից ազգային մակարդակում իրականացվող հաղորդակցական գործողությունների լայն շրջանակի միջոցով, որոնք ներառում են թեմատիկ հաղորդակցական արշավներ, հանրային դիվանագիտության գործողություններ և իրազեկման գործողություններ երիտասարդ ակտիվիստների, մեդիա գործընկերների, ազգային իշխանությունների, քաղաքացիական հասարակության կազմակերպությունների, գիտական շրջանակների և տարբեր մասնագիտական ցանցերի ու ասոցիացիաների հետ համագործակցությամբ:

- Բարելավել Եվրոպական միության վերաբերյալ ընկալումները և դիրքավորել վերջինիս որպես Արևելյան հարևանության տարածքում ակտիվ և ազդեցիկ դերակատարի՝ ժողովրդավարության, համագործակցության և միջազգային համերաշխության արժեքների խթանման միջոցով:
- Բարձրացնել համագործակցության արդյունքների և արևելյան գործընկեր երկրների քաղաքացիների համար դրանց օգուտների վերաբերյալ իրազեկվածության մակարդակն ու գիտակցումը՝ փաստերի և հետաքրքիր պատմությունների միջոցով ի ցույց դնելով ԵՄ-ի և նրա գործողությունների ազդեցությունն Արևելյան հարևանության երկրների քաղաքացիների առօրյա կյանքի վրա:
- Խթանել ԵՄ-ի և Արևելյան գործընկեր երկրների հետ նրա համագործակցության շուրջ դրական հասարակական քննարկումներ և ստեղծել գործընկերային հարաբերություններ երիտասարդության, ԶԼՄ-ների, ՔՀԿ-ների, գիտական շրջանակների, ազգային իշխանությունների և տարբեր մասնագիտական ​​ցանցերի ու ասոցիացիաների հետ` տարածաշրջանում ավելի լավ հաղորդակցվելու և իր ձայնն առավելագույնս հասու դարձնելու նպատակով:
- Չափել գործընկեր երկրներին ԵՄ աջակցությունը և մշտադիտարկել տեղերում վերջինիս վերաբերյալ հանրային ընկալումը:
- Նպաստել ապատեղեկատվության հետ կապված խնդիրների լուծմանը և տեղեկատվական դիմակայունությանը տարածաշրջանում:
- Ստեղծել բարենպաստ հասարակական միջավայր վերափոխիչ բարեփոխումների համար (ներառյալ հաշվետու և թափանցիկ կառավարումը, օրենքի գերակայությունը, կոռուպցիայի դեմ պայքարը, դատական ​​համակարգը):
- Նպաստել բարեփոխումային գործընթացի և քաղաքացիների առօրյա կյանքում ազդու / շոշափելի բարելավումների միջև ընդհանրությունների գիտակցմանը:

- Արևելյան հարևանության քաղաքացիների շրջանում ԵՄ-ի, նրա քաղաքականության և համագործակցության ծրագրերի վերաբերալ իրազեկվածության բարձրացում և բարելավված ըմբռնում:
- Արևելյան գործընկեր երկրներից ԵՄ-ի հետ կապված տեղեկատվության, լուրերի, հնարավորությունների և հաջողության պատմությունների ընդգրկման ավելացում՝ արդյունավետ առցանց հաղորդակցական հարթակի և խողովակների միջոցով:
- ԵՄ-ի և Արևելյան գործընկեր երկրների երիտասարդների միջև ամրապնդված երկխոսություն՝ երիտասարդ եվրոպական դեսպանների հզոր ցանցի և նրանց կազմակերպած քաղաքացիական ներգրավման գործողությունների միջոցով:
- Հաղորդակցման ամրապնդված կարողություններ՝ թվային հաղորդակցության ենթակառուցվածքի և ռազմավարական հաղորդակցության մոտեցման մասով:
- Համապատասխան միջազգային կառույցների և նախագծերի հետ հաստատված արդյունավետ կապեր և գործընկերություններ` Արևելյան հարևանության տարածքում ԵՄ-ի հաղորդակցման համար:
- Լրատվական և ոչ լրատվական գործընկերների զարգացած ցանց՝ ԵՄ-ի վերաբերյալ տեղեկատվության և ուղերձների տարածմանը նպաստելու նպատակով:
- Արևելյան գործընկեր երկրներում ԵՄ-ի վերաբերյալ հասարակական կարծիքի բարելավում՝ պարբերաբար անցկացվող քանակական և որակական ուսումնասիրությունների միջոցով: