EU4Innovation East. ֆինանսավորման հնարավորություն Հայաստանի նորարարական էկոհամակարգի համար | Դիմել մինչև դեկտեմբերի 1-ը
«EU4Innovation East»-ը հայտարարել է մրցույթ՝ ընտրելու կազմակերպություն, որը Հայաստանում նորարարական սթարթափների համար կհիմնի և կկառավարի համաֆինանսավորվող (մեչինգ) դրամաշնորհային մեխանիզմ։
Ընտրված շահառուն դրամաշնորհների միջոցով ֆինանսական աջակցություն կտրամադրի սթարթափներին, որը կլրացվի շահառուի կամ այլ ներդրողների կողմից ներգրավված առանձին ներդրումային բաղադրիչով։ Նախաձեռնության նպատակն է բարելավել սթարթափների հասանելիությունը ֆինանսական միջոցներին, աջակցել դրանց աճին ու ներդրումային պատրաստվածությանը, ինչպես նաև ամրապնդել Հայաստանի նորարարական էկոհամակարգը։
Այս մրցույթի շրջանակում կարող է շնորհվել առավելագույնը մեկ դրամաշնորհ։ Նախատեսված բյուջեն կազմում է 720,000 եվրո։
Դրամաշնորհ ստանալու համար իրավասու լինելու նպատակով հիմնական դիմորդը պետք է լինի Հայաստանում պատշաճ կերպով հիմնադրված ու գրանցված իրավաբանական անձ և հանդիսանա ներդրող, ներդրումային հիմնադրամ, ներդրումային գործիք կամ օրինական հիմքերով ստեղծված այլ կառույց, որի միջոցով մի քանի ներդրողներ համատեղ իրականացնում են ներդրումային գործունեություն։
Հայտերի ներկայացման վերջնաժամկետն է 2026 թվականի դեկտեմբերի 1-ը։
«EU4Innovation East»-ը տարածաշրջանային ծրագիր է, որը նպաստում է Արևելյան գործընկերության (ԱլԳ) հինգ երկրներում՝ Հայաստանում, Ադրբեջանում, Վրաստանում, Մոլդովայի Հանրապետությունում և Ուկրաինայում սթարթափ էկոհամակարգերի մրցունակության բարձրացմանը։
Իմանալ ավելին
EU4Innovation East: funding opportunity for Armenia’s innovation ecosystem նյութն առաջինը հրապարակվել է EU NEIGHBOURS east կայքում։
Նորություններ
Հայաստանյան ապրանքների համար առևտրի ժամանակավոր ազատականացման միջոցառումների մասին կանոնակարգը հրապարակվել է Պաշտոնական տեղեկագրում
What connects us? Young European Ambassadors create a European Culture Manifesto
ԵՄ–ն՝ հանուն ՀՀ երիտասարդների և կրթության
Արևելյան Եվրոպայի և Կենտրոնական Ասիայի հարցերով Խորհրդի աշխատանքային խմբի այցը Հայաստան և Ադրբեջան
