«ԱԲ օրեր – 2026» Հայաստանի բոլոր մարզերում նոյեմբերի 13-ից
Նոյեմբերի 13-ին կմեկնարկի «ԱԲ օրեր – 2026» նախաձեռնությունը՝ անվճար միջոցառումներով Երևանում և Հայաստանի բոլոր մարզերում։ Նախաձեռնությունը հնարավորություն կտա մասնակիցներին սովորել, թե ինչպես գործնականում կիրառել արհեստական բանականությունը:
Միջոցառումները տեղի կունենան դպրոցներում, բուհերում, պետական հաստատություններում, փոքր բիզնեսներում և տեխնոլոգիական հաբերում՝ ներառելով ինչպես առկա, այնպես էլ առցանց ձևաչափեր: Բաց դասընթացները կանդրադառնան ԱԲ-ի պատասխանատու և անվտանգ օգտագործմանը, կիբեռանվտանգությանը և ապագայի համար անհրաժեշտ հմտություններ զարգացնելու հնարավորություններին:
Դասընթացներ կանցկացվեն նաև «NEST. Հմտությունների և տեխնոլոգիաների ազգային էկոհամակարգ» ծրագրի շահառու ութ կազմակերպությունների կողմից:
«ԱԲ օրեր – 2026»-ը կազմակերպվում է ՄԱԶԾ-ի Հայաստանի Կայուն զարգացման նպատակների նորարարական լաբորատորիայի կողմից՝ ՀՀ բարձր տեխնոլոգիական արդյունաբերության նախարարության և Արհեստական բանականության հետ համատեղ: Նախաձեռնությունը համաֆինանսավորվում է Եվրոպական միության, Նորվեգիայի զարգացման համագործակցության գործակալության և Ավստրիական զարգացման գործակալության կողմից:
Իմացեք ավելին
AI Days 2026 to launch across Armenia on 13 November նյութն առաջինը հրապարակվել է EU NEIGHBOURS east կայքում։
