Թվային անվտանգության և ապատեղեկատվության հայտնաբերման գործիքակազմ կանանց իրավունքների պաշտպանությամբ զբաղվող և քաղհասարակության կազմակերպությունների համար
Կանայք և մարգինալացված խմբերը անհամաչափորեն թիրախավորվում են համակարգված ապատեղեկատվական արշավների կողմից, որոնք հատուկ նպատակ ունեն լռեցնելու նրանց ձայնը և խաթարելու ժողովրդավարական մասնակցությունը: Այս համակարգային մարտահրավերներին դիմակայելու համար «ԵՄ-ն հանուն գենդերային հավասարության. բարեփոխումների աջակցության հարթակ» (EU4Gender Equality Reform Helpdesk) ծրագիրը, որը ֆինանսավորվում է Եվրոպական միության կողմից, մշակել է այս համապարփակ ուղեցույցը: Այն ծառայում է որպես ռազմավարական ռեսուրս Արևելյան գործընկերության երկրներում գործող կանանց իրավունքների պաշտպանության կազմակերպությունների և քաղաքացիական հասարակության այլ կազմակերպությունների (ՔՀԿ-ների) համար:
Այս գործիքակազմը կազմակերպություններին կզինի անհրաժեշտ հմտություններով և ռեսուրսներով, որոնք պահանջվում են անբարենպաստ թվային միջավայրերում անվտանգ կողմնորոշվելու համար՝ միաժամանակ շարունակելով իրենց առաջամղման աշխատանքները հանուն գենդերային ներառական բարեփոխումների:
«Թվային անվտանգության և ապատեղեկատվության հայտնաբերման գործիքակազմ. Ուղեցույց Արևելյան գործընկերության երկրներում կանանց իրավունքների պաշտպանությամբ զբաղվող և քաղաքացիական հասարակության կազմակերպությունների համար» նյութն առաջին անգամ հրապարակվել է EU NEIGHBOURS east կայքում։
