Ամեն տարի՝ մայիսի 9-ին Եվրոպան նշում է Եվրոպայի օրը, որը խորհրդանշում է խաղաղություն և միասնություն։ Հայաստանը ևս նշում է այս օրը՝ պահպանելով սովորույթի հարատևությունը։

2025 թ․-ին տոնակատարությունները կայանալու են մայիսի 6-30-ը, Երևանում, Գյումրիում և Գավառում՝ «ԵՄ-Հայաստան մշակութային կամուրջ» խորագրի ներքո:

 «ԵՄ-Հայաստան մշակութային կամուրջ» խորագրով անցկացվող տոնակատարությունների շրջանակում մայիսի 6-ին՝ ժամը 18։30-ին, Գյումրիի Վարդան Աճեմյանի անվան դրամատիկական թատրոնում կցուցադրվի «Սա Եվրոպան է» թատերական ներկայացումը։

Իսկ մայիսի 8-ին՝ ժամը 18։30-ին, Գավառի Լևոն Քալանթարյանի անվան դրամատիկական թատրոնում։

Բելգիայում բազմաթիվ հաջողված ելութներից հետո Հենդրիկ Վոսը և Ֆրանս Գրապպերհաուսը «Սա Եվրոպան է» թատերական ներկայացումը կհանձնեն հայ հանդիսատեսի դատին։

Ներկայացման ընթացքում հանդիսատեսը կճամփորդի դեպի Եվրոպա՝ պատասխաններ ստանալու հետևյալ հարցերին՝ «Ի՞նչ է կամ ո՞վ է Եվրոպան»։ 

Լեզուն՝ անգլերեն
Ենթագրերը՝ հայերեն
Մուտքն ազատ է։

Այս տարի Եվրոպայի օրվան նվիրված տոնակատարությունները Երևանում կմեկնարկեն մայիսի 10-ին՝ ժամը 15։00-ին։

Միացե՛ք մեզ՝տոնելու Եվրոպայի օրը Երևանի սրտում։ Սա տոն է Եվրոպական միության և Հայաստանի միջև գործընկերության, մշակութային կապերի և ընդհանուր արժեքների մասին։

Այս տարվա խորագիրը՝ «ԵՄ–Հայաստան. մշակութային կամուրջ», ընդգծում է մեզ միավորող ամուր կապերն ու արժեքները։ Միջոցառումը կմեկնարկի պաշտոնական բացման արարողությամբ, որին կհաջորդի դինամիկ տեղեկատվական տոնավաճառ՝ ներկայացնելով Հայաստանում ԵՄ ֆինանսավորմամբ իրականացվող ծրագրերը, ինչպես նաև ԵՄ անդամ պետությունների, ԵՄ հաստատությունների և գործընկեր կազմակերպությունների աշխատանքը։  

Այցելուները հնարավորություն կունենան անմիջականորեն շփվելու դեսպանությունների ներկայացուցիչների հետ, տեղեկություն ստանալու կրթության, ճամփորդությունների, համագործակցության հնարավորությունների մասին, ինչպես նաև՝ մասնակցելու ինտերակտիվ նախաձեռնություններին։ 

Միջոցառումը կենտրոնացած է լինելու բովանդակալից մշակութային ծրագրի շուրջ․ բեմում ԵՄ անդամ պետությունները երաժժտության, պարի ու ներկայացումների միջոցով կներկայցնեն Եվրոպայի բազմազան ավանդույներն ու ստեղծարար ձայները: 

Բեմում բազմաբովանդակ ելույթներ կունենան ժողովրդական համույթներ, երգչախմբեր, ջազ, ինչպես նաև՝ ժամանակակից հայկական կատարումներ՝ Եվրոպայի ոգին բերերով երևանյան բեմ։ 

Մուտքն ազատ է բոլորի համար։ 

Եթե ձեզ հետաքրքրում է Հայաստանում ԵՄ գործունեությունը, ուզում եք բացահայտել եվրոպական մշակույթը կամ պարզապես հաճելի և ոգեշնչող կեսօր անցկացնել քաղաքում, ապա Եվրոպայի օրվա տոնակատարությունները ձե՛զ համար են։ 

Սպասելու ենք ձեզ բաց դռներով և տոնական տրամադրությամբ։

Եվրոպայի օր 2025 տոնակատարությունների ծրագիր

Վայր՝ Ազատության հրապարակ (Օպերայի հարևանությամբ), Երևան

Ամսաթիվ՝ 2025 թ. մայիսի 10 

Ժամ՝ 15:00 – 18:30

Թեմա՝ ԵՄ–Հայաստան․ մշակութային կամուրջ

Միացե՛ք մեզ՝ տոնելու այս վառ միջոցառումը՝ նվիրված Եվրոպական միության և Հայաստանի միջև միասնության, մշակույթի ու գործընկերության նշանավորմանը։ Ծրագրում ներառված են ինտերակտիվ տեղեկատվական տոնավաճառ և տոնական համերգային ծրագիր։

ՀԻՄՆԱԿԱՆ ԾՐԱԳԻՐ

14:30 – 15:00 | Լարախաղացի ներկայացման առաջին մաս

15:00 – 15:35 | Պաշտոնական բացման արարողություն

ԵՄ դեսպանի և Կառավարության ներկայացուցչի համատեղ ելույթներ

ՏԵՂԵԿԱՏՎԱԿԱՆ ՏՈՆԱՎԱՃԱՌ ԵՎ ԾՐԱԳՐԵՐԻ ՆԵՐԿԱՅԱՑՈՒՄ

Եվրոպայի օրվա տեղեկատվական տոնավաճառում ԵՄ անդամ պետությունները իրենց տաղավարներում կներկայացնեն մշակութային և կրթական լայն հնարավորություններ։ Այցելուները հնարավորություն կունենան շփվել դեսպանությունների ներկայացուցիչների հետ և բացահայտել ԵՄ–Հայաստան համագործակցությանը նպաստող նախաձեռնությունները։

• Ծանոթացե՛ք ԵՄ ֆինանսավորմամբ իրականացվող ծրագրերին Հայաստանում

• Այցելե՛ք ԵՄ անդամ պետությունների և տեղական նախաձեռնությունների տաղավարներ

• Հանդիպե՛ք ծրագրերի ներկայացուցիչների հետ և բացահայտե՛ք նոր հնարավորություններ

ՄՇԱԿՈՒԹԱՅԻՆ ԾՐԱԳԻՐ ԵՎ ԲԵՄԱԿԱՆ ՆԵՐԿԱՅԱՑՈՒՄՆԵՐ

15:40 – 17:05 | ԵՄ անդամ պետությունների մշակութային ծրագիր

15:40 – 16:00 | «Պոլոնիադա» երգչախումբ (Լեհական «Պոլոնիա» միություն)

Խմբավար՝ Անահիտ Տեր-Մելիքսեթյան։ Երգչախումբը կկատարի 5 ստեղծագործություններ՝ ներկայացնելով լեհական մշակույթի ամբողջ հմայքը։ 

16:00 – 16:20 | «Լուսէ» կենտրոն

16:20 – 16:40 | Սլովակիայի ժողովրդական պարեր և երգեր

Սլովակիայի մշակութային ժառանգությունն կներկայացվի 3 պարողների, 2 երաժիշտների և 2 երգիչների կատարումներով։ 

16:40 – 17:05 | «ՊիԿոԼա» ջազ բենդ

Հայաստանում Չեխիայի Հանրապետության դեսպան, Նորին Գերազանցություն Պետր Պիրունչիկը և նրա ընկերները հանդես կգան բենդով՝ ներկայացնելով ջազային ստանդարտներ և չեխական ազգային երգեր՝ ջազային մշակմամբ։ 

17:05 – 17:20 | Ռումինական ժողովրդական պարեր և մնջախաղային ներկայացում

17:20 – 17:40 | Tiezerk Band

17:40 – 18:00 | Degh Band

18:00 – 18:20 | Uru Band

Լարախաղացի ներկայացման երկրորդ մաս

18:30 | Միջոցառման պաշտոնական փակում