Եվրոպական համերաշխության կորպուս. կամավորական աշխատանքի հնարավորություն Ֆրանսիայի մանկական մարզամշակութային կենտրոնում | Դիմել մինչեւ հոկտեմբերի 25-ը
Ֆրանսիայի հարավ-արեւելքում գտնվող Կրանվ-Սալ կոմունայի «La Bergue» մարզամշակութային կենտրոնը փնտրում է բարձր մոտիվացիա ունեցող ֆրանսախոս կամավորներ՝ երեխաների համար նախատեսված կրթական միջոցառումներին օժանդակելու համար։
Մարզամշակութային կենտրոնը 3-ից 14 տարեկան երեխաների համար ապահովում է տարբեր թեմաներով կրթական, քաղաքացիական ուղղվածությամբ միջոցառումներ: Կամավորական աշխատանքի տեւողությունն 9 ամիս է՝ 2027 թվականի հունվարից մինչեւ սեպտեմբեր:
Կամավորները կանցնեն վերապատրաստում. նրանք կմասնակցեն երկու սեմինարի՝ ամբողջ Ֆրանսիայից ժամանած կամավորների հետ, ինչպես նաեւ կկարողանան մասնակցել ֆրանսերենի դասընթացների։
Կամավորները հնարավորություն կունենան անցնելու Brevet d’Aptitude aux Fonctions d’Animateur (BAFA) որակավորումը: Այս դիպլոմը կամավորներին հնարավորություն է տալիս ոչ մասնագիտական կարողությամբ հսկողության տակ պահել երեխաներին եւ դեռահասներին: Տարբեր թեմաներով այլ ուսումնական դասընթացների թվում են՝ առաջին օգնության դասընթացը, Փարիզում միջազգային համերաշխության վերաբերյալ երկօրյա ուսումնական դասընթացը, կայուն համերաշխության նախագծերի ստեղծման վերաբերյալ առցանց դասընթացը, ասոցիատիվ աշխարհի վերաբերյալ առցանց սեմինարները:
Կամավորներին կտրամադրվի անվճար կացարան։ Նրանք մեկ այլ կամավորի հետ կբնակվեն երկու ննջասենյակով համատեղ բնակարանում՝ ընդհանուր խոհանոցով եւ ընդհանուր լոգարանով։ Կամավորները կստանան օրական 8 եվրո գրպանի գումար եւ սննդի նպաստ (ամսական 256 եվրո)։ Բացի այդ, կամավորները կստանան օրական երեքանգամյա սնունդ, բացառությամբ հանգստյան եւ դպրոցական արձակուրդների օրերի։ Կամավորները կարող են օգտվել հեծանիվից կամ կենտրոնին պատկոանող մեքենայից՝ կախված տրանսպորտային միջոցների առկայությունից եւ հեռավորությունից։
Դիմելու իրավասություն ունեն Հայաստանից, Բելառուսից, Վրաստանից, Մոլդովայից եւ Ուկրաինայից համապատասխան թեկնածուները։
Դիմումների ընդունման վերջնաժամկետն է 2026 թվականի հոկտեմբերի 25-ը, ժամը 23:59-ը։
Իմացիր ավելին
Եվրոպական համերաշխության կորպուս. կամավորական աշխատանքի հնարավորություն Ֆրանսիայի մանկական մարզամշակութային կենտրոնում նյութն առաջինը հրապարակվել է EU NEIGHBOURS east կայքում։
Նորություններ
Հայաստան. երիտասարդ եվրոպական դեսպանները կազմակերպել են ժառանգությանը նվիրված միջոցառում
EU Civil Protection Mechanism: European Parliament suggests to improve preparedness and anticipate crises
ԵՄ ծրագիր՝ Հայաստանում առողջության համընդհանուր ապահովագրության բարեփոխումներին աջակցելու համար
«EU4Culture II» ծրագիրը մեկնարկում է ակտիվ փուլը Հայաստանում՝ ընդգծելով Հայաստան-ԵՄ մշակութային կապերի խորացումը
