Արևելյան գործընկերության կապի ներդրումների գործիքը (EPIC) նպատակ ունի բարելավել տրանսպորտային ցանցերը Արևելյան հարևանության տարածքում և նպաստել կապի ընդլայնմանը ինչպես ԱԳ տարածաշրջանի ներսում, այնպես էլ ԱԳ երկրների և Եվրոպական միության միջև։ Այն անվճար խորհրդատվական աջակցություն և տեխնիկական օգնություն է տրամադրում Հայաստանին, Ադրբեջանին, Վրաստանին, Մոլդովայի Հանրապետությանը և Ուկրաինային՝ տրանսպորտային կապերի բարելավման նպատակով։ EPIC-ը կօգնի Արևելյան գործընկեր երկրներին իրականացնել ներդրումային նախագծեր, որոնք համահունչ են ԵՄ չափանիշներին, կլիմայի փոփոխություններին դիմակայուն են և նվազեցնում են շրջակա միջավայրին հասցվող վնասը։

EPIC-ը նախաձեռնություն է, որը ֆինանսավորվում է ԵՄ-ի կողմից և կառավարվում է Եվրոպական ներդրումային բանկի (ԵՆԲ) կողմից՝ համագործակցելով Վերակառուցման և զարգացման եվրոպական բանկի (ՎԶԵԲ) և Համաշխարհային բանկի (ՀԲ) հետ։

EPIC-ի ընդհանուր նպատակն է աջակցել Եվրոպական հարևանության քաղաքականությանը (ԵՀՔ) Արևելյան հարևանության տարածաշրջանում և նպաստել ժողովրդավարության, բարեկեցության և համագործակցության ընդհանրական տարածքի ձևավորմանը։ EPIC-ը նպատակ ունի բարելավել կապը ինչպես Արևելյան գործընկերության (ԱԳ) տարածաշրջանի ներսում, այնպես էլ ԱԳ երկրների և Եվրոպական միության միջև։

Ավելի կոնկրետ՝ EPIC-ի նպատակներն են՝
• Տրամադրել խորհրդատվական աջակցություն և տեխնիկական օգնություն՝ TEN-T-ի (Տրանսեվրոպական տրանսպորտային ցանցերի) հետ կապված առաջնահերթ նախագծերի ընտրության, նախապատրաստման և իրականացման համար՝ համահունչ միջազգային լավագույն փորձին, ինչպես նաև Եվրոպական միության և միջազգային ֆինանսական հաստատությունների պահանջներին ու չափանիշներին։
• Ստեղծել կոնկրետ և կենսունակ կապի ներդրումներ, որոնք կունենան տեսանելի և շոշափելի արդյունքներ քաղաքացիների համար։
• Ուժեղացնել տեղական ինստիտուցիոնալ կարողությունները՝ տրանսպորտային ենթակառուցվածքների նախագծերի նախապատրաստման և իրականացման ուղղությամբ՝ համաձայն միջազգային լավագույն փորձի և ԵՄ պահանջների։

Ստեղծել կոնկրետ և կենսունակ կապի ներդրումներ՝

• նվազեցնելու ճանապարհորդության ժամանակը և ծախսերը
• վերացնելու ենթակառուցվածքային խցանումները
• բարելավելու ճանապարհային անվտանգությունը
• հարմարեցնելու տրանսպորտային ենթակառուցվածքները կլիմայի փոփոխություններին
• ձևավորելու սոցիալ-տնտեսական և բնապահպանական օգուտներ ԵՄ Արևելյան հարևանության երկրների քաղաքացիների համար