«Մարդը կարիքի մեջ» ՀԿ-ն Եվորպական միության ֆինանսավորմամբ Հայաստանում իրականացնում է արտակարգ իրավիճակների արձագանքման ծրագիր։ «Կենսունակ քաղաքացիական հասարակություն» ծրագիրն աջակցում է քաղաքացիական հասարակության կազմակերպություններին (ՔՀԿ)՝ 2022 թվականի սեպտեմբերի 12-13-ին Հայաստանի սահմաններում վերջին ռազմական ագրեսիայի անմիջական և միջնաժամկետ հետևանքներին արձագանքելու համար։ Սահմանին ռազմական հարձակումների այս ալիքը մեծացրեց տեղի բնակչության խնդիրները՝ նյութական վնասների, հոգեբանական տրավմաների և ֆիզիկական վտանգի տեսանկյունից։

Ծրագրի նպատակն է բավարարել առավել խոցելի խմբերի անվտանգության, սոցիալական և կենսական հրատապ կարիքները՝ հատուկ ուշադրություն դարձնելով սահմանամերձ հատուկ տարածքներում բնակվող քաղաքացիական բնակչությանը՝ հակամարտության հետևանքները մեղմացնելու համար։

Ծրագրի շրջանակում երեք ՔՀԿ՝ «Պահապան» հիմնադրամը, «Առաքելություն Հայաստան» ՀԿ-ն և «ՎԻՆՆԵԹ Հայաստան» կանանց ռեսուրս կենտրոնների ցանցը դրամաշնորհ են ստացել՝ Գեղարքունիքի, Վայոց ձորի և Սյունքի սահմանամերձ շրջաններում տուժած խոցելի խմբերին աջակցելու նպատակով։