ԱլԳ քաղաքացիական հասարակության հիմնադրամը ընդունում է դիմում-հայտեր «Կրթաթոշակներ առանց սահմանների 2026» մրցույթի շրջանակներում | Դիմել մինչև սեպտեմբերի 11-ը

Արեւելյան գործընկերության քաղաքացիական հասարակության հիմնադրամը հայտարարում է դիմում-հայտերի ընդունման երկրորդ մրցույթն Արեւելյան գործընկերության քաղաքացիական հասարակության կրթաթոշակառուների 2026 թվականի խմբի համար։

Այս հատուկ մրցույթով ներկայացվում է «Կրթաթոշակներ առանց սահմանների» ծրագիրը՝ նոր հնարավորություն Հայաստանի, Ադրբեջանի, Բելառուսի, Վրաստանի, Մոլդովայի եւ Ուկրաինայի քաղաքացիական հասարակության ակտիվիստների համար, որոնց աշխատանքը, ուսուցումը, գործընկերությունները կամ համայնքները դուրս են գալիս ազգային սահմաններից։

Գործունեությունը կարող է տեղի ունենալ Արեւելյան գործընկերության երկրներում, Եվրոպական միության անդամ պետություններում կամ ԵՄ թեկնածու երկրներում, սակայն այն պետք է արժեք բերի Արեւելյան գործընկերության համայնքին։

«Կրթաթոշակներ առանց սահմանների» ծրագիրն աջակցում է քաղաքացիական հասարակության այն ակտիվիստներին, ովքեր ցանկանում են՝

• սովորել մեկ այլ երկրի քաղաքացիական հասարակության գործիչներից եւ կազմակերպություններից.
• կառուցել գործընկերություններ եւ համերաշխության ցանցեր սահմաններից այն կողմ.
• աջակցել Արեւելյան գործընկերության տարածաշրջանի համայնքներին, որտեղ էլ որ դրանք գտնվեն.
• նոր գիտելիքներ, հմտություններ եւ մոտեցումներ բերել իրենց համայնքներ.
• ամրապնդել քաղաքացիական ներգրավվածությունը, շահերի պաշտպանությունը, հաշվետվողականությունը եւ սոցիալական փոփոխությունները միջազգային համագործակցության միջոցով:

Հաջողակ հայտատուները կարող են ակնկալել մոտավորապես 5000 եվրոյի ֆինանսական աջակցություն, մասնագիտական ​​​​խորհրդատվություն եւ նեթվորքի ու շրջանավարտների գործունեությանը մասնակցելու հնարավորություններ։

Հայտատուները պետք է՝

• լինեն Հայաստանի, Ադրբեջանի, Բելառուսի, Վրաստանի, Մոլդովայի կամ Ուկրաինայի քաղաքացիներ.
• լինեն առնվազն 18 տարեկան.
• ունենան քաղաքացիական ներգրավվածության, համայնքային առաջնորդության կամ քաղաքացիական նորարարության ապացուցված փորձ.
• ունենան անգլերենի լավ աշխատանքային իմացություն (նվազագույնը B1 մակարդակ).
• նախկինում օգտված չլինեն Արեւելյան գործընկերության քաղաքացիական հասարակության կրթաթոշակային ծրագրից։

Դիմում-հայտերի ընդունման վերջնաժամկետը սեպտեմբերի 11-ն է։

2026 թվականի հուլիսի 15-ին կանցկացվի կրթաթոշակի համար հաջողակ դիմում-հայտի պատրաստման վերաբերյալ վեբինար։ Վեբինարի համար գրանցումը կատարվում է այստեղ։

Իմացիր ավելին

Մամուլի հաղորդագրություն

Արեւելյան գործընկերության քաղաքացիական հասարակության հիմնադրամը ընդունում է դիմում-հայտեր «Կրթաթոշակներ առանց սահմանների 2026» մրցույթի շրջանակներում նյութն առաջինը հրապարակվել է  EU NEIGHBOURS east կայքում։