EU4Innovation նախագիծը նպատակ ունի ամրապնդել Արևելյան գործընկերության տարածաշրջանի տնտեսական դիմակայունությունը և խթանել նորարարությունը՝ դարձնելով ստարտափների էկոհամակարգը ավելի մրցունակ։ Այն խթանում է տնտեսական աճը, զարգացնում համագործակցությունը և նպաստում տարածաշրջանային զարգացմանը՝ անդրադառնալով կարևոր խնդիրների, ինչպիսիք են ֆինանսավորման սահմանափակ հասանելիությունը, մասնագիտական հմտությունների պակասը և գենդերային անհավասարությունները։
Ծրագրի հիմնական ուղղություններն են բարձր արդյունավետությամբ ինկուբատորների զարգացումը, ստարտափների համար ֆինանսավորման և շուկաների հասանելիության ընդլայնումը, ինչպես նաև նպատակային աջակցությունը Ուկրաինայի տեխնոլոգիական ոլորտին։ Համաֆինանսավորման, հմտությունների զարգացման, կարգավորող միջավայրի բարելավման և գենդերային ներառման միջոցով նախագիծը նպաստում է տարածաշրջանում կայուն և ներառական տնտեսական զարգացմանը։

Ծրագրի ընդհանուր նպատակն է ամրապնդել Արևելյան գործընկերության երկրներում նորարարության ոլորտում մասնավոր հատվածի մրցունակությունն ու զարգացման մակարդակը՝ խթանելով արդյունավետ համագործակցությունը եվրոպական գործընկերների հետ։

SO1. Արևելյան գործընկերության երկրներում ստարտափները ավելի մեծ հնարավորություն են ստանում օգտվելու նախնական փուլում (pre-seed) տեղական ֆինանսավորումից, օրինակ դրամահավաքից, վաուչերներից և այլ աջակցման գործիքներից, այդ թվում նաև կանանց կողմից հիմնադրված կամ համահիմնադրված ստարտափների համար։
SO2. Արևելյան գործընկերության երկրների ստարտափների էկոհամակարգերը ավելի կազմակերպված և ամրապնդված են, ինչը նպաստում է նորարարության զարգացման համար ավելի բարենպաստ բիզնես միջավայրի ձևավորմանը։
SO3. Արևելյան գործընկերության երկրների էկոհամակարգերը ավելի ակտիվորեն կապվում են եվրոպական ներդրողների հետ, ինչի շնորհիվ ստարտափների համար ստեղծվում են ավելի մեծ հնարավորություններ միջազգային ներդրումներ ներգրավելու համար։
SO Ukraine. Ուկրաինայի ստարտափների էկոհամակարգը զարգացնում և ամրապնդում է իր կարողությունները՝ տեղական ստարտափներին ավելի արդյունավետ աջակցություն տրամադրելու համար։