Այս գործողությունը նպաստում է Գործիքի հիմնական նպատակին, այն է՝ աջակցել Արևելյան գործընկերության երկրներում փոքր և միջին ձեռնարկություններին (ՓՄՁ)՝ բարելավելով նրանց ֆինանսավորման հասանելիությունը։ Դա իրականացվում է վարկավորման ավելի բարենպաստ պայմանների ապահովմամբ և ՓՄՁ վարկային պորտֆելների համար առաջին կորուստը ծածկող երաշխիքների տրամադրմամբ։
Գործողությունը նախատեսված է հեշտացնելու ՓՄՁ-ների մուտքը ֆինանսավորման աղբյուրներին ընտրված երկրներում։ Այս նպատակով ստեղծվում է երաշխիքային գործիք, որի միջոցով տեղական բանկերին և այլ ֆինանսական միջնորդներին տրամադրվում են ՓՄՁ վարկային պորտֆելների երաշխիքներ։ Սա հնարավորություն է տալիս ֆինանսական հաստատություններին առաջարկել ավելի բարենպաստ վարկավորման պայմաններ և ընդլայնել ՓՄՁ-ների համար հասանելի ֆինանսավորման հնարավորությունները։

1. Աջակցություն COVID-19 համավարակի սոցիալ-տնտեսական հետևանքների հաղթահարմանը։
2. ՓՄՁ-ների համար ֆինանսավորման հասանելիության բարելավում՝ գրավի պահանջների նվազեցման, ֆինանսավորման ծախսերի նվազման և տեղական արժույթով վարկերի հասանելիության ընդլայնման միջոցով։
3. Բիզնեսների ֆինանսական կարիքներին արձագանքելու և դրանց բավարարումը աջակցելու համար պայմանների ստեղծում։

1. Գործողության շրջանակում հնարավոր կլինի առնվազն մոտ 200 միլիոն եվրոյի նոր վարկային ֆինանսավորում ուղղել փոքր և միջին ձեռնարկություններին (ՓՄՁ)։
2. Եթե հաշվի առնենք, որ մեկ գործարքի միջին չափը կազմում է 175,000 եվրո, ապա առնվազն 1,150 ՓՄՁ հնարավորություն կստանա օգտվել ֆինանսավորումից։
3. Եթե յուրաքանչյուր ՓՄՁ-ում միջինը աշխատում է 6 մարդ, ապա ծրագիրը կաջակցի մոտ 12,000 աշխատատեղի պահպանմանը կամ ստեղծմանը (լրիվ դրույքով աշխատատեղեր)։