EU4Culture-ի առցանց դասընթաց Արևելյան գործընկերության երկրների ստեղծարարների համար․ դրամաշնորհային հայտերի պատրաստում (մինչև 31/12/2027թ․)
Եվրամիության կողմից ֆինանսավորվող «ԵՄ-ը՝ մշակույթի համար» ծրագիրն (EU4Culture) ավելի լայն լսարանի համար բացել է Արեւելյան գործընկերության երկրների արվեստագետների եւ մշակույթի ոլորտի մասնագետների համար նախատեսված դրամաշնորհային առաջարկներ պատրաստելու վերաբերյալ իր առցանց դասընթացը: Այժմ այն անվճար հասանելի է ուկրաինական case.media թվային հարթակում։
Թվային դասընթացը նախատեսված է նրանց համար, ովքեր ցանկանում են դիմել եւ ստանալ ԵՄ ֆինանսավորում մշակութային միջոցառումներ եւ նախագծեր իրականացնելու նպատակով: Այն բաղկացած է թեմայի վերաբերյալ անգլալեզու կրթական տեսանյութերի շարքից՝ հագեցած հայերեն, ադրբեջաներեն, վրացերեն, ռումիներեն եւ ուկրաիներեն ենթագրերով։
Դասընթացը ներառում է դասախոսություններ հետեւյալ թեմաներով.
- Դրամաշնորհների տեսակները եւ դրանց նշանակությունը.
- Դրամաշնորհային առաջարկ գրելու հմտություններ եւ նախագծերի համար ազգային եւ միջազգային գործընկերներ գտնելու մեթոդներ,
- Բյուջեի նախապատրաստման ռազմավարություններ եւ իրավական փաստաթղթերի պահանջների վերաբերյալ տեղեկություններ,
- Արդյունավետ հաղորդակցություն դոնորների հետ:
Դասընթացին հասանելիություն ստանալու համար անհրաժեշտ է միայն գրանցվել կամ մուտք գործել case.media հարթակ։
Դասընթացը հասանելի կլինի մինչև 2027 թվականի վերջ:
ՎԵՐՋՆԱԺԱՄԿԵՏ՝ 31 Դեկտեմբերի, 2027
Նորություններ

ՎԶԵԲ-ը, ԵՄ-ն և «ԱՐՄՍՎԻՍԲԱՆԿ»-ը աջակցում են Հայաստանում փախստականներին և երիտասարդներին

Ֆոն դեր Լայեն. Եվրոպական միությունը Հայաստանի համար նախապատրաստում է 50 միլիոն եվրոյի աջակցության փաթեթ՝ Ռուսաստանի կողմից արտահանման սահմանափակումներից հետո

Հայաստան․ ՎԶԵԲ-ը 2026 և 2027 թթ-ին 5,5 տոկոսի տնտեսական աճ է կանխատեսում

Պայքար ապատեղեկատվության դեմ. Հայաստանում գործարկվել է «iVerify Armenia» հարթակը
