Նոր հնարավորությունների բացահայտում ագրոբիզնեսի ոլորտի հայկական ընկերությունների համար դեպի Շվեդիայի և ԵՄ-ի սննդամթերքի շուկա․
Միջազգային առևտրի կենտրոնը (ITC)՝ ԵՄ կողմից ֆինանսավորվող «Հագուստի և ագրոբիզնեսի կայուն արժեշղթաների կառուցում Հայաստանում» ծրագրի շրջանակներում Շվեդիայի Առևտրի Ազգային Խորհրդի հետ համատեղ ջանքերով և Հայաստանում Շվեդիայի դեսպանատան աջակցությամբ հայտարարում են նոր նախաձեռնության մեկնարկի մասին, որը կարող է շրջադարձային լինել՝ ընդլայնելով հայաստանյան ագրոբիզնեսի ոլորտի ընկերությունների հնարավորությունները Շվեդիայում և ԵՄ-ում։
Նախաձեռնության շրջանակներում, 2025 թ․-ի մարտի 27-28-ը, ագրոբիզնեսի ոլորտի հայկական ՓՄՁ-ները մասնակցում են «Ձեր մուտքը դեպի Շվեդիա և ԵՄ․ հնարավորությունների բացահայտում սննդամթերքի շուկայում» աշխատաժողովին։
Միջոցառումը մեկնարկեց Հայաստանում Շվեդիայի արտակարգ և լիազոր դեսպան պարոն Պատրիկ Սվենսոնի և Հայաստանում Եվրոպական միության պատվիրակության ծրագրի ղեկավար պարոն Յոսիպ Յուրիկի բացման խոսքերով: Նրանք կարևորեցին միջոցառման դերը, այն համարելով նշանակալի և արդյունավետ նախաձեռնության սկիզբ։
Աշխատաժողովը, որի մաս են կազմում գործնական խմբային վարժությունները, Հայաստանի ձեռնարկություններին տրամադրում է արժեքավոր տեղեկություններ շուկայի միտումների, առևտրի հոսքերի, կարգավորումների, գնորդների պահանջների, լոգիստիկայի և այլ հարցերի վերաբերյալ՝ Շվեդիա և ԵՄ շուկա մուտք գործելու նպատակով:
Նորություններ
ԵՄ-ն և գերմանացի գործընկերները ներդնում են կեղտաջրերի մաքրման բնահեն լուծումներ՝ Հայաստանի Սևանա լիճը պաշտպանելու համար
Հայաստան. Դասընթաց՝ Մեղրիի սահմանային անցակետի արդիականացման ծրագրի մասնակիցների համար
Covenant of Mayors East publishes guidebook on how to develop Sustainable Energy and Climate Action Plan
Աշխարհում մարդու իրավունքների և ժողովրդավարության մասին 2025 թ-ի զեկույց
